Vladimir Bolä: «At-Prolin» fermasını lääzım korumaa
«Аt-Prolin» beygir ferması avtonomiyanın bücetindän para kabletmeyecek. Deputatlar Moldova kanonnarına ardılȇrlar, angıları brakmȇȇrlar devlet kurumnarını finanslamaa. Gelecektä beygir ferması turistik obyekti olacȇk hem Çadır kasabasının primariyasına geçecek. Bu neetlerä deyni buldular 15 million ley hem 2 million kontribuţıya erli kuvetlär verdilär. Ama bu vakıt nezaman proekt girişterlener devlet kuvetleri hazır kendi yardımını vermää.
Şindiki vakıda «Аt-Prolin» ferması zorluu çeker işçilerin aylık parasının ödemesindä, kışlık emlerin hazırlamasında, çünkü kurumun büceti taa yılın çeketmesindä iki okadar kestirildiydi. Fermanın öndercilii danıştı Moldova Devletin çiftçi ministirliinä ,ki yardım etsinnär çözmää problemayı .Buluşmakta nışannandı ,ani devlet kuvetleri hazır yardım etmää.O olacȇk bir çıkış problemadan ,angısınnan «Аt-Prolin» ferması karşı geldi,sayȇr GHT başının yardımcısı Aleksandr Tarnavskiy .
ALEKSANDR TARNAVSKİY GHT başının yardımcısı : — » En önemli problema baalıdı fermanın üridik hem kanon statusunnan. MD saymak palatası nasaat etti biraz diiştirmää ödemäk shemayı fermada. «Аt-Prolin» ferması yok nicä bütün bücetini avtonomiyanın bücetindän kabletsin. Ama devlettä dä olarsa kolaylık subsidiyaları vermää fermaya ii olacȇk «.
GRT-da » İntervyü nedeli» programasının süresindä MD çiftçi ministirliin başı Vladimir Bolä nışannadı,ani ministerliktä kuruldu maasuz komitet,angısı başladı hazırlamaa yardım mehanizmalarını.
VLADİMİR BOLÄ Moldova çiftçi ministerliin başı : — » Erlim esaba alarsaydık o faktı ,ani devlettä o tek ferma,lääzım ona deyni eni reglament hazırlamaa.Biz karar sıır için para yardımını vereriz. Bu ferma bizä deyni dä önemli. Onuştan ANSAylan buluştuynan savaşacez yardım etmää hep ölä bu fermaya da».
Bundan kaarä ministr Vladimir Bolä çizgiledi,ani atların büüdülmesi hem edenmesi iki kategoriyaya pay ediler : sport oluşlara deyni hem çiftçilää deyni. Bu uur olsun başarılı lääzım olacȇk laboratoriyaları yapmaa. Onnar yakışacȇk kontrol etsinnär hayvannarın saalıını.
VLADİMİR BOLÄ Moldova çiftçi ministerliin başı : — » Sport oluşlara büüdän atları çorbacılara meraklı o laboratoriyalar devlettä açılsınnar ,ki olsun kolaylık erindä hayvannarın saalını kontrol etmää hem bilmää. O dokumentlärlän onnarın beygirleri yakışacȇk türlü uurda sport yarışmalarında pay alsınnar».
«Hayvancılı için» kanon kabledildi 2022-ci yılda .Vladimir Bolä bildirdi ,ani kısa zamanda kanon enilencek maasuz te onnara deyni kim beygirleri edener hem büüder.
VLADİMİR BOLÄ Moldova çiftçi ministerliin başı : — » Bir kanonun te o payı,angısı adalı atların büüdülmesinä biraz diiştirecez. Lääzım olmayacȇk taa Ukraynaya yada Rumıniyaya gitmää sertifikatları saalıkları için kabletmää. Bu pek önemli».
1984-cü yılda açılmış Çadır kasabasının at ferması tek kurum Moldovada .
Источник grt.md 25.08.2022