Çadır – Lungada temsil ettilär “At – prolin” turist sport kompleksin proektını
Gagauziyanın Başkanı İrina Vlah pay aldı Çadır kasabasının yaşayannarınnan buluşmakta. Toplantıda açıklandı «At-Prolin» kompleksın proektı. O olacek turizm merkezi.
Proekta görä «At-Prolin» kompleksında lääzım peydalansın eni turistik bölümü, zamandaş ilaçlamak kolaylıkları açılsınnar, hem da beygir büütmesindä zanaatı dä ilerletmää mutlaka lääzım, nışannandı buluşmakta.
Bu proektı aslıya çıkarmaa deyni, pek çok iş yapıldı, kuvet koyuldu. Bu pek önemli bir proekt avtonomiyaya deyni, nışannadı Gagauziyanın Başkanı İrina Vlah.
«Biz çok düşündük, çok saydık, türlü ekspertlarlan hem insannarlan işledik, angıları annȇȇrlar , ne önemli bizim devletimizä hem avtonomiyamıza. Benim kollegalarım annadaceklar, nesoy işlär yapıldı , neçin biz istedik bu kompleksı çekettirmää, hem da onun faydalıını ileeriya dooru, çıkararsaydık üzä bu proektı. Bän bilerim, ani bizdä barabar işimizdä hepsi olacek», — nışannadı başkan..
Beygir fermasının başı Konstantin Keleş seviner, ani kuvetlär yardım ederlär proektı ilerletmää. O çizgiledi, a bizim borcumuz diil sade korumaa, ama ilerletmää da bizim adetlerimizi, kulturamızı.
«Bän sevinerim, ani kuvetlär yardım ederlär proektı ilerletmää. Beygir önemli bir symbol bizim kulturamızda, gagauzların kulturasında. Bizim baş kasabamıza Komrata beygir adı koyulu. Bizim borcumuz diil sade korumaa, ama ilerletmää da bizim adetlerimizi, kulturamızı. Var umudum, ani bu kompleks önemli rolü oynayacek bu iştä», — söledi Konstantin Keleş.
Insannar annȇrlar bu proektın önemliini.
«Pek isterim, ani bu proekt üzä çıksın. Çünkü sport bizim yaşamamızda önemli bir pay alêr. Çok keret geldim burayı, uşakları da getirerim çok saa ol derim fermanın başına», — söledi Pötr Uzun, Moldovanın sambo hem dzüdo şannı trenerı.
«Hepsinä saa ol, kim yaptı bu proektı, kim savaştı onu yapmaa . Saa olsun Konstantin Vasilyeviç, o çalışer bu proektı ilerletmää deyni. Pek isteerim bu proekt olsun», — söledi yaşayannarın biri.
«Bän sayerım, ani bu bergir fermanın ilerlemes, pek önemli bizim turizm sferasına. Çok turist gelecek bizä Moldovaya», — sayer genç kızlardan biri.
«Bän sevinerim, ani bizdä Gagauziyada açılacek bölä kompleks, bu pek önemli. Çok turistlär geleceklär bizä, bän sevinerim», — paylaştı taa bir delikanlı.
Proektı aslıya çıkarmaa deyni para verilecek Milli fondundan sayıylan 15,2 million ley. Bütün proektın paası ilk adımda 17 million ley kurer.
Источник grt.md
