Suiţıd- soţıal uurunda problema
Dünnä saalıı koruma kurumun haberinä göörä ,heryıl 703 bin kişi kendilerini öldürerlär.Ekspertlät bildirerlär,ani her bir olay aşırı 20 kişi var,angıları kendilerini savaştılar öldürmää.Hep bu vakıt million kişi zeetlener hem fikirindä çevirer kendi-kendisini öldürmää.
22 yaşından 29 yaşınadan insannarın arasında suiţıd olayları karşı gelerlär.Sebeplär hertürlü : iştä problemalar, karı-koca ayırlanȇr yada finans yoksuzluu problemalar, boorçlar banklara.
ТATYANA İVANOVA psiholog : — » En zor işlemää suiţıd yapan kişinin aylesinnän. Orada en büük acı. Onnar diil kabaatlı o durumda,ama onnar sayȇrlar,ani vardı nicä annamaa hem durgutmaa suiţıdı. Kimsey ölä kişileri durgudamıyacȇk. Beki,sade Alla var dı nicä yardım etsin».
Risk grupasına krizista bulunan insannarı sayıya koyȇrlar. Te onnarı kim yaşamak problemalarını kontrol edämerlär. Finans kayıplarını, aylä ilişkilerini,dertlerini hem başka.
Asker popazı Väçeslav Hortolomey sayȇr, ani insannar krizis durumda bulunarkana hep bir duva etsinnär lääzım.O yardım edecek suiţıda getirän prost düşünmeklärdän atılmaa.
VÄÇESLAV HORTOLOMEY asker popazı :- » Te o insanda ,angısında var inan taa kolay zorluklarlı geçirmää. Onun fikirinä dä gelmiyäcek ölä iş yapmaa. Zeetlenmeklär,angıları canımızda,yaşamamızda olȇr ikidä-birdä önünä çıkamȇrız. Ama duva ardım bu iştä».
Moldova Devletindä herbir dolayda 40 psihika saalıı merkezleri açık.Onnar psihika,psihologiya yardımını hertürlü yaşta insannara vererlär.Psiholog Ekaterina Radova nışannadı,ani er insan diiştirdiy sä tabietini ona psihologiya yardımı lääzım.
EKATERİNA RADOVA psiholog : — » İlkin kendimiz insannara savaşȇrız yardım etmää. Ama olay pek zor sa belli ki, danışȇrız uzmannara. Yakım kişilerimizä zor sa deneriz yardım etmää. savaşȇrız onnara dayak olmaa. Danışȇrız doktorlara,psihologlara. Yapılȇr diagnostika. Belli ederiz ,nekadar durum zor hem nicä onu ii tarafa dorutmaa».
2021 -ci yılda Saalıı korumaa Milli agenstvosunun haberinä göörä Moldovada sayıya koyuldu 466 suiţıd. Onnarın arasından 381 adamnar hem 85 karılar.
Источник grt.md
