Moldovada uşaklara yardım için telefon var

2014-cü  yıldan beeri  Moldovada  peydalandı  telefon zor  durumda bulunan   uşaklara deyni  . Onnar  var  nicä  «Telefonul Copilului» izmetinä  116111 telefon açsınnar . Telefonda lafetmeklär  kimseyä  açıklanmȇrlar  hem  parasız. Telefon var  nicä  açmaa neredän  isteer  insan. İnanmak  telefonu  izmetini  soţıal  korumak  Ministirlii kontrol eder hem  Moldova Devletin  baamsız  kurumu .

Becerikli  psihologlar  kayıl  24 saat  7 gün aftada  yardım etmää uşaklara kim zor  durumda bulunȇr. Onnar vererlär  lääzımnı  psihologiya tarafından yardımını, informaţıyayı hem  kaldırȇrlar  kef  te onnara,  kimä  en zor.

GABRİELLA  TODORÄNU  inanmak  telefonun  psihologu :- » Bizim izmet  verer  prihologiya  yardımını  uşaklara.Annadȇr  uşakların haklarını.Vererlär  nasaat, nicä  korumaa uşakları . Hem  kötü  oluşlar için  haberleerlär  lääzımnı  kurumnara».

2014-cü  yıldan beeri  parasız  116111 numarasına  telefon açtılar  46  bin  300 uşak hem  büük insannar.Sade  2022-ci yılın çeketmesindän  telefon aşırı  1800  insan  yardım sordu.

GABRİELLA  TODORÄNU  inanmak  telefonun  psihologu: — » Sade  avgustta 178  uşak  danıştı  hem  101 büük insan. 30   olayda  yakın bildirildi  uşakların  haklarını  inkär  etmäk. Orayı  karıştı  bizim  izmet,zerä  yardım lääzımdı».

İzmettä nışannadılar,ani  telefon açȇrlar türlü  insannar. Onnar acıylan  annadȇrlar  olaylar için aylelerindän. «Telefonul Copilului» izmetindä  psihologlar karşı  geldilär danışmaklan  bir  karıdan. O korkuylan  annattı,ani  onun uşaklarını  bobası  düüyeer. Onun işinin beterinä seerek evdä bulunȇr. Esap alıp uşaan sırtında çürükleri, karı üürenmiş ,ani uşaklar  düülerlär.

GABRİELLA  TODORÄNU  inanmak  telefonun  psihologu : » 9 yaşında uşakta  en pek  belliydi,ani  onu  düümüşlär.O  en sık  bobası  el  kaldırardı,ani  sayıp  çıkmȇȇr  kardaşlarına kızkardaşlarına. Küçüklär  şamata edärmişlär açan  bobası  uyarmış. Adamın üfkesi  çıkarmış ,ani  uşaklar  şamata ederlär. Onuştan da düüyärmiş onnar.  Ama en kaabatlı  kalarmış  en büügü.  Bu olayda biz danıştık  erideki  kuvetlerä  hem  poliţıyaya. Lääzım bu  bobayı  cezalamaa».

Gagauziyanın yaşayannarı  söledilär, ani  bilerlär  bu izmetlär için.  Onnar  inanȇrlar,ani  bölä  izmetlär  zor  durumda yardım vereceklär.

-» Te onnar  kim zor  durumda  hem  yok kimä aalaşsınnar  var nicä  telefon açsınnar  bölä  izmetlerä. Orada  onnarı  sesliyäceklär hem  yardım edeceklär.Benimcä  ii ideyä».

— » Sanȇrım,ani  lääzım izmet.  Bitki vakıtlar  gençlerin  problemaları  büüdü. Suiţıd teması   önemli  problema.Bölä inanmak  telefonnarı  yardım vererlär».

— » Bu  tema  şindiki zaman  sorumnu. Düşünerim,ani  bölä  izmetleri yakışȇr  inanmaa. Kim biler  angı  zor  problemalarlar insan karşı  geler. Yokkana kimä  danışmaa ,kalȇr  sade  bölä  izmetlär».

Deerindän informaţıyayı  psihologiya yardımını  verän izmeti için yakışȇr  onnarın telefonulcopilului.md ofiţıal  sayfasında hem  başka  internet  sayfalarında üürenmää.




Источник grt.md
229

İlgili statyalar

Ukrainadan uşaklar başladılar gezmää Gagauziyanın okullarına

Ukainadan cenk çeketmesindän beeri Moldovaya pek çok uşak analarlan geldilär. Kimisi onnardan büün isteerlär Moldovanın üürenmäk kurumnarında bilgileri kabletmää. Veriler mi onnara bu kolaylık, annadı bizim kor. Büünkü gündä Gagauziyanın uşak başçalarına gezerlär 20 uşak Ukrainadan gelmä, liţeylerinä dä 15 uşak. Gagauziyanın Üüretim Baş bakannıın başı nişannadı, ani büün taa yok belliedili bir dokument, angısına görä bu uşaklar Moldovanın şkolalarına gitsinnär yakışȇr. NATALYA KRİSTEVA, Gagauziyanın Üüretim Baş bakannıın başı: “Biz lääzım annayalım, ani herbir uşaan üürenmesi için şkolada yada uşak başçasına finans veriler. Büün, eer küü  başı yada üürenmäk kurumun önderciliindä varsa kolaylık, onnar, elbetki lääzım kabletsinnär bu uşakları üürenmäk…

Yakacak için informaţiya internet sayfasında olacek

İnsannar, angıları yakacak satın almaa isteerlär,  hepsi informaţiyayı bunun için lemne.md saydında lääzım olacek üürensinnär. Bunun için haberledi Moldova premyer-ministrusu  Natalya Gavriliţa. O çizgiledi, ani bu sayt   ceviz ayın 15-nädän işleyecek. Moldova Hükümetin oturuşunda premyer-ministr Natalya Gavriliţa nışaandı, ani insannarın hem kuvetlerin arasında yok komunikaţiya,  ki onnar bilsinnär, neredä hem nicä var nicä yakacak satın almaa. O nışannadı, ani primarlar da bilmeerlär, nicä bunu yapmaa . NATALYA GAVRİLİŢA premyer-ministr: —«Bana primarlar haberledilär, ani onnarda bilmeerlär  nereyi danışmaa.  Bän yalvardım, ki  eşil liniya  açılsın  ceviz ayın 1-nädän. Hem bundan kaare bizdä olsun lemne.md sayfası. Sade bölä insan biecek, nereyi var nicä…

Başkan Ukrainanın vatandaşları için Moldovada: “Lääzım düşünelim, nicä bu insannarı cümnemizin bir payı yapalım”

Devletlerin öndercileri aralarında kavga — herzaman prost. Ukrainanın hem Russiyanın aralarında durumda bir çıkış var — dialog. Lääzım annaşmaa hem düşünmää o insannar için, angıları orada yaşȇȇrlar. Bunu açıkladı Gagauziyanın başkanı İrina Vlah GRT kanalında “İntervyu nedeli” programasında. Moldovaya Ukrainadan cenk olayların çeketmesindän 101 bin insandan zedä geldilär. Onnarın arasında var 49 bin uşak. Devletin merkezlerindä 4 bin insandan zeedä erleştilär, taa çoyu onnardan karılar hem uşaklar. Devletin yaşayannarı kalmadılar bir tarafta da bütün ürektän yardımnan karşıladılar onnarı, açıkladı Gagauziyanın başkanı İrina Vlah. «En ilkin biz yalvardık insannara yardım etsinnär rubaylan, ayakkaabıylan hem, kimin var kolayı, ellerinä alsınnar. Büün biz…

Suiţıd- soţıal uurunda problema

Dünnä   saalıı koruma kurumun haberinä  göörä ,heryıl  703 bin kişi kendilerini  öldürerlär.Ekspertlät  bildirerlär,ani her bir  olay  aşırı  20  kişi var,angıları  kendilerini  savaştılar  öldürmää.Hep  bu vakıt  million kişi zeetlener hem  fikirindä  çevirer  kendi-kendisini  öldürmää. 22 yaşından 29 yaşınadan insannarın arasında  suiţıd  olayları karşı  gelerlär.Sebeplär  hertürlü : iştä problemalar, karı-koca ayırlanȇr yada finans yoksuzluu problemalar, boorçlar banklara. ТATYANA İVANOVA psiholog : — » En zor  işlemää suiţıd  yapan  kişinin aylesinnän. Orada  en  büük  acı.  Onnar  diil  kabaatlı  o durumda,ama onnar sayȇrlar,ani  vardı nicä  annamaa hem  durgutmaa suiţıdı. Kimsey ölä  kişileri  durgudamıyacȇk. Beki,sade  Alla var dı nicä  yardım etsin». Risk  grupasına krizista bulunan …

DEPUTATLARIN BRİFİNGI

İniţiativa yardım etmää deyni aylelerä  hazırlanmaa okula deyni  sayıda 500 ley. Bu proekti verdi Bakannık komiteti , ki bakılsın HT, okadarke deputatlar onu tutturmadı. Okadarke  deputatlar açıkladılar kendi bakışlarını bu soruşa, hem belliettilär nekadar lääzım olsun yardım. Da büün bu iş için geçirdilär brifingı.  HT  deputatların bir payı  sayȇrlar, ani lääzım vermää  bin ley herbir uşaa 1-12 klaslaradan hazırlamaa deyni onnarı okula. Hep ölä urgulandı, ani bu parayı vermää her yıl infläţıyaya görä. LEONİD KİÖSÄ GHT deputatı : — «Bizim kollegalar deputatlar kararladılar yardım etmää bizim ürenicilerä, ama orada bakılȇr sade 30 proţent bütün sayıdan.   Onun için ani büün paalar…