“Yardımcılarımız – bizim ellerimiz hem kanatlarımız”. Doktorlar kendi kollegalar için onnarın günündä
Her yıl Hederlez ayın 12 – dä нalklararası doktorların yardımcıları profesional günü. Bizim korrespondentımız İrina Karaman üürendi zanaatın önemliyni hem özellerini.
Doktorların yardımcıları –bu o uzmannar, angıları başardılar başlankı mediţina uurunu hem yapȇrlar o işleri, angılarını sölerlär onnara doktorlar, yardım etmää deyni hasta insannara.
«Doktorların yardımcıları hazırlȇȇrlar hasta insannarı güüdä hem hal tarafından yapılacak proţeduralara», — açıkladı travmatolog-ortoped İvan Stançu.
«Doktorların yardımcıları – bu aylä doktorların komandası. Onnar bizim ellerimiz hem kanatlarımız. Uzmannarın çalışması pek önemli», — söledi aylä doktoru Lübov Bargan.
Doktorların yardımcıları sayılȇrlar devletin saalıı koorumak sistemasının önemli payi. Onnar cuvap ederlär her bir hasta insan için, angıları girerlär mediţina kurumuna, hem onnar çikana kadar, nışannadı doktorların büük yardimcisi Lidiya Kroytor.
«Doktor baktı hastayı, yazdı ilaçlarını, ama ileri dooru yardımcımızın daavası kontrol etmää ilaçlamak proţesini», — söledi Lidiya Kroytor.
Doktorların yardımcıları, angıları işleerlär Komrat medik merkezindä, pek severlär kendi zanaatını, bakmadan ona, ani o diil kolay iş, ama pek cuvaplı.
“Bän hodullanȇrım biyaz haladımnan”.
“Küçüklümdän taa bän düş güüdärdim yardım etmää insannara”.
“Bän seveerim yardım etmää insannara, isteerim ki onnar hastalanmasınnar”.
“Bu benim neetim — yardım etmää insannara”.
Nekadar önemli personalın işi, annadȇrlar Gagauziyanin yaşayannarı.
“Doktorların yardımcıları – bu ilk yardım”.
“Bu pek önemli hem lääzımnı zanaat”.
Büünkü gün doktorlar yardımcıların sayısı en çok bütün saalıı korumak sistemasında.
Источник grt.md
