GRT CK işini gözledän Sovet kabletti GRT önderciliin iş çıkışlarını bu yılın ilk 3 ayında
Gagauziya radio televizion kompaniyasının gözledici sovetin oturuşunda bakıldı birkaç soruş. Onnarın arasında kompaniyanın 2022-ci yılın ilk kvartalın iş çıkışları. Gözledici sovetin temsilcileri baktılar Gagauziyanın Halk Topluşun üridik komisiyasının kararını gözledici nasaatın bir azası için, angısı iki iştä çalışȇr, bu sayılȇr kanona karşı gitmäk. Kendi sıralarında gözledici nasaatın temsilcileri esaba aldılar bu işi da nışannadılar, ani bu soruş onnarın görevinin dışında bulunȇr.
Gözledici sovetin oturuşunda «GRT» CK öndercisinin işini götürän Galina Maresyeva tanıştırdı sovetin azalarını kompaniyanın 2022-ci yılın ilk kvartalın otçotunnan. O nışannadı, ani yapıldı büük iş kompaniyanın uzmanarınnan, neçinki hederlez ayın 1 – dän televizion geçti ţifra yayınnarına. Galina Maresyeva çizgiledi, ani bütündän geçmää ţifra yayınına deyni, kompaniya maasuz lääzım geçirsin televizion studiyasında modernizaţiyayı. Bu vakıdın içindä kompaniyanın administraţiyası geçirdi bir sıra onlayn buluşmaklarını halklararası partnörlarlan, tutturmak için tehnik uurunda. Yılın ilk kvartalında enidän çeketti çalışmaa kompaniyanın saytı.
Kompaniyanın baş injenerı Yaroslav Bulgaru haberledi, ani GRT TV bütündän geçirilmesi ţifra yayınına hederlez ayın 1 – dän, kompaniyanın yayını kurdu 98% bütünnä Moldova devletindä. Zamandaşta televizion yayınnarını var nasıl siiretmää «Moldtelekom», «Starnet» hem da «Türksat» sputniindä.
Cümnä kompaniyasının televizionun baş redaktoru Valentina Koroläk tanıştırdı gözledici nasaatın azalarını televizionun yayınnarınnan. O derindän annattı, nekadar haber kolvermeleri hem da programalar çıktılar yayına televizionda yılın ilk kvartalında.
Sesleyıp 2022-ci yılın ilk kvartalın otçotunu, gözledici nasaatın temsilcileri nışannadılar, ani GRT» GK işini ii notaladılar.
«GRT» GK gözledici nasaatın başı Mihail Vlah nışannadı, ani kompaniya karşı geler finans zorluklarınnan, da bu problema maasuz lääzım barabar çözülsün.
Gagauziyanın radio hem televizion kompaniyasının gözledici nasaatın temsilcileri kablettillär kararı danışmaa Gagauziyanın öndercilerinä, ki dorutmaa finans durumunu kompaniyada.
Источник grt.md
