GRT gözledici sovetin başı: kompaniyayi ilerletmäk için lääzım eni strategiya
Finans problemaları hem kompaniyanın ilerlemesi — bu soruşlar GRT cümnä kompaniyasının gözledici soveti baktı sıradakı oturuşunda.
Halk Topluşunun oturuşunda orak ayın 6-da GRT cümnä kompaniyasının gözledici sovetin başı Mihail Vlah temsil etti 2019 — 2021 yılların çıkışları için, angısında o nışannadı kompaniyanın problemalarını, urgulayıp, ani GRT- nın ilerlemesinä lääzım eni impuls verilsin. Kompaniyayi ilerletmäk strategiyası için laf gitti gözledici nasaatın oturuşunda da.
Mihayil Vlah: “Biz söledik deputatlara, ani GRT – yi ilerletmäk strategiyasınını yapmaa vakıt geldi, neçin ki kompaniya lääzım ilerlesin. Lääzım nışannamaa, ani dünnä diişer, biz sä kaldık durdumuuz erdä”.
GRT cümnä kompaniyasına etişmeyecek finanslar, ki uzmannara kazanç paralarını yılın bitkisinädän bütündän vermää. Gözledicin sovetin azaları esaba aldılar kompaniyanın finans durumunu, nışannadı Mihayil Vlah.
Mihayil Vlah: “Biz sesledik GRT-nın önderciliini hem esapçıyı da belli ettik, ani var problema kazanç paraların hem vergilerin ödemesindä. Bu soruşa biz aldık bir karar. Hep ölä biz baktık soruşu baalı kompaniyanın öndercisini seçmak yarışmasınnan, neçin ani deputatlar kanona diişilmekleri kablettilär, başkan imzaladı, biz sä yarışmayı ölä dä bildirmedik. Tä büün kararladık, ani yakında GRT-nın başını seçmäk için yarışmasını bildirecez”.
GRT- nın başı seçilmedi taa 2020 yılın ceviz ayından.
Источник grt.md 13.07.2022