EVROPA YARIŞMAKLARINDAN BRONZ ÖDÜLÜ
Çiçek ayın 11-dän-21 dan Bulgariyada Sofiya kasabasında geçti Evropa boks çempionatı. Yarışmaklarda pay aldı Moldovanın toplumu da. Ona girdi Komrat sport liţeyın terbiedeni İlie Argatu. O oldu Evropanın bronz ödülcüsü.
Moldovayı Evropa boks çempionatında tanıttırdılar 13 sportçu, angılarından birisi kızdı. Devletin toplumu kazandı bir gümüş hem bir bronz ödüllerini. Gagauziyadan boksör İlie Argatu oldu Evropa yarışmakların broz ödülcüsü.
İLİE ARGATU Evropa çempionatın bronz ödülcüsü.
Boksörun trenerı Şerali Turgunov nışannadı, ani onun terbiedeni üüsek uurda tanıttırdı regionu hem sport liţeyı yarışmaklarda. Hepsi düüşleri geçirdi kızgın hem meraklı.
ŞERALİ TURGUNOV boks trenerı:
“Bronz ödüllerini kazandılar İlie Argatu, Nikolay Burdüja, Yanış Karavan oldu gümüş ödülcüsü.”
İlie Argatu kazandı bronz ödülünü, çünkü çok vakıt hastaydı. O etiştirämedi bütündän geçirmää sınışları, sade 15 gün hazırlandı, nışannadı Şerali Turgunov. Ama gösterip karakterini o kazandı üçüncü eri.
ŞERALİ TURGUNOV boks trenerı:
“Taktika uurunda o ii geçirdi güreşleri, dooru yaptı onnarı, onunnan gitti trener Marat Turgunov. O pek becerikli trener, da verdi dooru nasaatları. Bir ne bizi köstekledio, ani hazırlanmak planı yapılmadı bütündän hastalık için. O az hazırlandı.”
Şindi İlie Argatu ileri dooru sıkı hazırlanacek ki pay almaa dünnä yarışmaklarında, angıları geçeceklär kasım ayında İtaliyada. O sportçular, angıları kazanaceklar ilk erleri, kabledeceklär kvotaları olimpik oyunnarına. Bu vakıdadan İlie Argatu lääzım olacek pay alsın bir-iki üüsek yarışmakta hem sport toplantılarında. Trener nışannadı, ani etişmeer finans gitmää onnara.
ŞERALİ TURGUNOV boks trenerı:
“Zor finans tarafından, zerä bizdä geçirilmeerlär toplantılar, onnarı geçirerlär başka devletlerdä, neredä boks ilerleer. Ama finas tarafından bizdä yok kolaylık pay almaa onnarda üüsek uurda.”
Sport liţeyın terbiedeni İlie Argatu diil bir keret oldu Moldova çempionu, Ervopa hem halklararası yarışmakların ödülcüsü.
Источник grt.md
