Arzurum kasabasında getçi Evropa boks çempionatı üürenicilerin aralarında
Türkiya devletindä Arzurum kasabasında getçi Evropa boks çempionatı üürenicilerin aralarında 13-14 yaşında 28 devlettän. Ringta kaavi düüşlerdä kazanmaa deyni Evropa çempion titulunu toplandılar en kaavi boksörlar. Moldovayı yarışmaklarda tanıttırdı 16 sportçu, edisi onardan Gagauziyadan. Tek bronz ödülünü bizim dvletin kumbarasına taradı Komrat regional sport okulun terbiedeni Kseniya Koronçuk. İlerleder temayı süjet.
Bronz ödülünü 64 kilalık kategoriyasında bizim devletin toplumuna kazandı gagauz sportçusu Kseniya Koronçuk. Yarışmakların süresindä o üüsek uurda geçirdi iki düüşü. İlk güreştä ringta buluştu konkurentlan İrlandiyadan, angısını taradı. İkincidä karşı karşıya geldi Türkiya boksörunnan. Nicä urguladı trener Kseniya gösterdi karakterını. Bitki düüştä ona biraz uymadı.
ŞERALİ TURGUNOV boks trenerı :- » Ksüşa üüsek uurda geçirdi düüşleri. Pek sıkı hazırlandı. Sport liţeyindä geçtilär toplantılar hem sınışlar, zordu, neçinki sıra geldi brakmaa bir tarafta setbest vakıdı, dostları. Ama buna bakmadaan, o kavi hazırlandı da gitti Evropa çempionatına”.
Yarışmaklarda pay aldı 300 boksör bütün Evropadan. Moldovayı tanıttırdı 16 sportçu 13 çocuk hem üç kız. Kseniya tek boksör, angısı kalktı şannı pyedestalın basamıına.
ŞERALİ TURGUNOV boks trenerı : — «Gücenikli, ani bizim toplum kaldı ödülsüz. Ama Kseniyanın çıkışı bizi sevindirer. Da bunu sport liţeyı gösterdi. Liya Serbinova geçirdi iki düüş, birini taradı, öbürünü tarattı. Çadırdan kızımız tarattı ilk düüştä».
Kseniyaya deyni Evropa çempionatında bronz ödülü diil ilk , çünkü 2021 yılda o oldu gümüş ödülcüsü. Da bunda o neetlenmeer durgunmaa. Onun laflarına görä Evropa yarışmakları geçtilär üüsek uurda, düüşlär dä kaaviydilär.
KSENİYA KORONÇUK Evropa çempionatın broz ödülcüsü : — «İkinci düüştä bän karşı karşıya geldim boksörlan Türkiyadan. Bu düüş pek iidi, bän gidärdim ileri, da hepsi sölärdi, ani bän taradım bu boksöru, ama oldu ölä , ki bän ona tarattım. Gelän yıla gelecäm geeri, da alacam ilk eri».
Şindi Kseniya yarışmaklardan sora gelecek formaya da hazırlanacek, ki almaa üüsek bayırları spor uurunda.
KSENİYA KORONÇUK Evropa çempionatın broz ödülcüsü : — » Bän oldum iki keret Evropa ödülcüsü, bu Moldovaya deyni pek ii. Çok şükür ederim federaţıyayı da, hepsi boks kurumnarını, angıları yardım ederlär bizä. Çok saa ol yakındıklarıma, angıları zor durumda beni tutturdular«.
Источник grt.md
