Komrattakı Lion klubun sportçuşlları kikboksing çempionnarı oldular Bulgariyada
Bulgariyada kikboksing çempionatında pay aldılar Gagauziyanın Lion klubundan kardaşlan kızkardaş Margarita Parpulova hem Yaroslav Parpulov. Bütündän yarışmaklarda kendi becermeklerini gösterdilär 328 sportçu 46 klubtan.
Kikboksing güreşindä trenerın Ȇduard Kösenin terbiedilenneri çempion oldular, gösterip, ani sıkı hazırlanmaklar vererlär kendi çıkışlarını.
Kardaş hem kızkardaş Yaroslav Parpulov hem Margarita Parpulova kikboksing çempionatında geçirdilär ikişär güreş 42 hem 45 aarlık kategoriyasında. Kaavi güreşlerdä taradılar kendi konkurentlarını da kazandılar çempion titulunu.
YAROSLAV PARPULOV, kikboksing uurunda çempion: “İlk güreşi geçirdim bulgarlan da taradım onu davacıların kararına görä. İkinci düüşü nokautlan taradım. Bän zanaatlanȇrım sportlan 6 yaşımdan. Başladıydım güreşmää bobamlan evdä. Çekettik zanaatlanmaa zerä en yakın sekţıya bulunȇr Komratta. En ii trener” .
MARGARİTA PARPULOVA, kikboksing uurunda çempion: “İlk düüşü bän taradım nokautlan. İkinciyi dä hep ölä. Benim konkurentlarım kaaviydi. Bän sayȇrın, ani lääzım gitmää bölä yarışmaklara. Onnarda biz göreriz, nicä başkası güreşer”.
Çocuklar zanaatlanȇrlar sportlan taa 6 yaşından da bu vakıdın içindä diil bir keret kalktılar üüsek basamaklarına halklararası arenasında. Sıradakı ödül — bu uşakların hem trenerın barabar işi. Sportçular kullandılar kabledilmiş bilgileri da üüsek uurda tanıttırdılar klubu Bulgarıyanın arenasında.
MARGARİTA PARPULOVA, kikboksing uurunda çempion: “Şükür ederim trenerı. O bizi her keret tutturȇr, yardım eder, doorudȇr. Da uzakta bulunarak açȇr telefon da sorer ne yapȇrız”.
Sportçular zanaatlanȇrlar kikboksinglan bir-iki keret aftada gelip Tarakliyadan, ki geçimää sınışları da kaldırmaa kendi sport uurunu.
Источник grt.md 18.03.2022