Gagauziyanın primarlarına annattılar „Evropalı küü” milli programası için
Moldovanın kuvetleri haberleerlär «Еvropalı küü» programasının başladılması için. Proekt küülerin ilerletmesi için geliştiriler bu yılın çerçevesindä Millet fondun paralarınnan.
«Еvropalı küü» programasının çerçevesindä kararlanȇr finanslamaa proektleri, baalı küülerin uzun zamana ilerletmesinnän, yaşayannara kaliteli hem cümnä koşulların vermesinnän, erli kuvetlärlän investiţiyaların getirmesinnän. «Еvropalı küü» programasına 735 мln. ley veriler.
«Proektin neeti – küülerdä gençleri korutmaa, haliz onnarı, kim burayı geler. İnsan lääzım bilsin, ani çiftçiliktän kaarä, var başka erlär dä, neredä iş var nicä bulmaa», — açıkladı Parlamentin deputatı Vladimir Bolä.
Gagauziya regionun ilerlemesi Agentstvosunun uzmannarı konsultaţiyaları yapȇrlar hem haberleerlär ne baalı avtonomiyanın kasabaların hem küülerin ilerletmäk soruşlarınnan 2022-ci yılda.
«Bu programanın çerçevesindä işlemää deyni, lääzım karar kasabaların hem küülerin ilerlemesindä elinizdä olsun. Onda var proeklterin kullanmak, ilerletmäk sonuçları. «Еvropalı küü» 100% millet fondunnan finanslanȇr, erli kuvetlerdän para istenilmeer», — söledi Gagauziya regionun ilerlemesi agentstvosunun başı Таtyana Donçeva.
Bildirimnär infrastukturanın kaliteli uura getirilmesi yada soţial kurumnarın enilenmesi için var nicä verilsinnär.
«Teklif ederim o küüleri, angıları şansora taradılar kimi proektleri, sayıdan çıkarmaa da vermää kolaylık başka küülerä taramaa, ki proektlär boşuna yazılmasınnar, onnara paralar harcanȇrlar. Sora da sergenä koyulȇrlar», — söledi Dezgincä küüyün primarı Vasiliy Kapsamun.
«Siz Respublika uurunda vardı nicä bu soruşu düşünäsiniz. Erli kuvetlärlän maasuz kriteriyalara görä, paralar pay edilerlär, angıları primariyaylan, küü Nasaatınnan inandırılȇr, Parlamentlän dä bildirilsinnär, ozaman erli kuvetlär bileceklär, angı finaslara ardılmaa da ona görä proektleri yazmaa. Ozaman küü bilecek, ani bir sayıda finanlsarı kabledecek», — söledi Beşgioz küüyün primarı Nikolay Gotişan.
«Еvropalı küü» programasında pay almak için bildirimnär aprelin 20-dän kabledilerlär.
Источник grt.md
