Gagauziyanın aar atletikacıları Moldovanın çempionnarı oldular
Kişinöv kasabasında geçti devlet aar atletika çempionatı büüklerin aralarında. Yarışmaklarda pay aldılar Gagauzianın aar atletika okulun 11 sportçusu — 4 kız hem 7 çocuk.
Devlet aar atletika çempionatında toplandılar en kaavi sportçular bütün devlettän. Yarışmakların çıkışlarına görä ilk erleri kazandılar bizim komandadan Elena Kılçik, Anastasiya Kılçik, Mariya Mitioglo hem Aleksandr Balci. İkinci eri kaznadılar Diana Çebotaru hem Artur Kara. Tarayannarın laflarına görä, yarışmaklar geçtilär üüsek uurda hem pek az siiredici vardı.
ANASTASİYA KILÇİK aar atletika çempionu: “Bän bu yarşmaklaradan pay aldım başka çempionatlarda, neredä hep taradım. Bu sefer diildi taa zor nekadar geçän yıl. Sade bir konkurentım vardı — bir kız. Diildi zor onu taramaa”.
ALEKSANDR BALCI aar atletika çempionu: “Bana deyni yarışmaklar geçtilär üüsek uurda. Bän kazandım ilk eri. Diildi kolay, zordu. Vardı iki kaavi konkurentım. Da şanslarım küçüktü, ama aldım ilk eri”.
Sportçular, angıları kalkmadılar şannı pyedestala, nışannȇȇrlar pay almaların önemliini bölä üüsek çempionatta. Becermeklär, angılarını onnar kablettilär yarışmaklarda,vereceklär kolaylık kalmaa üüsek uura bu sport çeşitindä.
“Bän bu yarışmaklarda enilettim becermeklerimi, hem yarışmaklardavardı pek aaz siredici”.
Trenerın Vladimir Eriginın laflarına görä, komanda Gagauziyadan gösterdi üüsek uuru devlet yarışmaklarında, bunu gösterer ödüllerin sayısı, dedi o.
Moldova çempionatın tarayıcıları kablettilär ödülleri, diplomnarı hem para baaşışlarını. Şindi uşaklar hazırlanȇrlar sıradakı halklararası yarışmaklarına.
Источник grt.md
