Gagauziyada geçer Moldova boks çempionatı

Komratta başladi 17-18 yaşında gençlerin aralarında Moldova boks çempionatı. O topladı devletin en kaavi sportçularını. 100 pay alandan zeedä  beş günün içindä belli edeceklär en kaavileri. Sportçular tanıttıracȇklar  devletimizi Evropa yarışmaklarında.

İkincilää Komrat kasabası kableder devletin en kaavi boks sportçularını. Ringta  karşı karşıya geldilär diil sade ilk sefer pay alannar, ama te onnar da, kimdä var çempion titulu. Ringta güreşlär kızgın hem meraklı geçtilär. Çoyu başarldılar nokautlan hem nokdaunnan. Çocukların laflarına görä yarışmaklar üüsek uurda geçerlär.

Gagauziyayı gençlerin arasında tanıttırȇr boksörlar Komrat hem çadır Sport okullarından. Trenerların laflarına görä, ringta geçerlär kaavi güreşlär, çünkü çoyu sportçular diil bir keret kazandılar halklararası turnirların ödüllerini hem taradılar.  Onnar hep ölä  nışannadılar çempionatın Komratta yapılmasını, ne gösterer, ani boks bölgemizdä ilerleer.

Tutturdular hem dooruttular kendi sportçularını trenerlar, angıları nışannadılar, ani  yarışmaklarda halız toplandılar en kaavilär. Ama diil hepsi kalkacȇk şannı pyedestala.

Baş daavacının laflarına görä, pay alannarın profesionnallıı gösterer, ani Moldovada boks bulunȇr üüsek uurda, da çoyu okullar diil bir keret bunu   göstererlär halklararası arenalarda. Hep ölä o urguladı Gagauziyanın boks   kaaviliini ringta.

Baba — marta ayın 1- dän – 5 –dän geçer devlet boks çempionatı. Cümertesi  geçeceklär final buluşmaklar da belli edileceklär tarayıcılar, angıları devlet  toplumunnan gideceklär Bulgariyaya Sofiya kasabasına da düüşeceklär çempion titulu için.




Источник grt.md
353

İlgili statyalar

Ödüllerin üçünü dä kazandılar Komrattan genç boksörlar Moldova çempionatında

Belţı kasabasında  geçti Moldova boks çempionatı,  neredä  toplandılar  devletin en kaavi  sportçuları. Gagauziyayı tanıttırdılar sportçular üç dolaydan.  Ödülleri  getirdilär  regionun kumbarasına  Komrat kasabasının boksörları. Çadır hem Valkaneş sportçuları  kalkmadılar pyedistalın üüsek basamıına. Yakın 120 boksör-ünior dört günün içindä  götürdülär kızgın düüşleri hak için kalkmaa pyedistalın  üüsek basamaklarına da Moldovanın toplumunnan ceviz ayında güreşmää Evropa Çempionatın ödülleri için, yarışmak geçecek İtaliyada. Komandaların aralarında ilk eri kazandı  ringın çorbacıları Belţıı  toplumu, onnar kazandılar 12 ödül. İkinci erdä  bulunȇr Komrat  komandası. Sport liţeyın hem  uşak sport okulun  boksörları kazandılar 3 altın, 3 gümüş hem 3 bronz.  Nicä nışannadı  trener Şȇrali Turgunov,  çocuklar pay…

Arzurum kasabasında getçi Evropa boks çempionatı üürenicilerin aralarında

Türkiya devletindä Arzurum kasabasında getçi Evropa boks çempionatı üürenicilerin aralarında 13-14 yaşında 28 devlettän.  Ringta kaavi düüşlerdä  kazanmaa deyni Evropa çempion  titulunu toplandılar en kaavi boksörlar. Moldovayı yarışmaklarda tanıttırdı 16 sportçu, edisi onardan Gagauziyadan. Tek bronz ödülünü  bizim  dvletin kumbarasına taradı  Komrat  regional sport okulun terbiedeni Kseniya Koronçuk. İlerleder temayı süjet. Bronz ödülünü  64 kilalık kategoriyasında bizim  devletin toplumuna  kazandı gagauz sportçusu Kseniya Koronçuk. Yarışmakların süresindä o üüsek uurda geçirdi iki düüşü. İlk  güreştä ringta buluştu konkurentlan  İrlandiyadan, angısını taradı. İkincidä karşı  karşıya geldi Türkiya boksörunnan. Nicä urguladı trener Kseniya gösterdi karakterını. Bitki düüştä ona biraz uymadı. ŞERALİ TURGUNOV  boks…

Video: Gagauz tay boks düüşçülerin triumfu devlet çempionatında

Kişinöv kasabasında geçti Moldova çempionatı tay boks (Muay Tay) düüşündä. O topladı devletin en kavi sportçularını. Komattakı LİON klubun üç düüşçüsü kazandılar üç altın ödül da gideceklär dünnä çempionatına. Devletin çempionatı Muay Tay düüşündä geçti türlü aarlık hem yaş kategoriyalarında. LİON düüş klubunu tanıttırdı üç sportçu, angıları üüsek uurda geçirdilär düüşlerini. Hepsi üçü kablettilär çempion titullarını hem gideceklär dünnä yarışmaklarına. Çocukların laflarına görä, düüşlär ringtä kızgın hem meraklıydılar, çünkü devlet yarışmaklarında yufka konkurent yok. Moldovanın çempionu Muay Tay düüşündä Andrey Avramov nışannadı, ani herbir sportçu gösterdi kendi ustalıını bu sport uurunda. ANDREY AVRAMOV, Moldova çempionu: “Bütün Moldova devleti pay aldı…

EVROPA YARIŞMAKLARINDAN BRONZ ÖDÜLÜ

Çiçek ayın 11-dän-21 dan Bulgariyada Sofiya kasabasında geçti  Evropa boks  çempionatı. Yarışmaklarda pay aldı Moldovanın toplumu da. Ona  girdi Komrat  sport liţeyın  terbiedeni İlie Argatu. O oldu  Evropanın  bronz ödülcüsü. Moldovayı  Evropa boks  çempionatında   tanıttırdılar 13 sportçu, angılarından birisi kızdı. Devletin toplumu kazandı  bir   gümüş hem bir bronz ödüllerini.  Gagauziyadan boksör  İlie Argatu oldu Evropa yarışmakların  broz  ödülcüsü. İLİE ARGATU Evropa  çempionatın  bronz ödülcüsü. Boksörun trenerı Şerali Turgunov  nışannadı, ani onun terbiedeni  üüsek uurda  tanıttırdı regionu  hem sport liţeyı yarışmaklarda. Hepsi düüşleri geçirdi kızgın hem meraklı. ŞERALİ TURGUNOV  boks trenerı: “Bronz ödüllerini kazandılar İlie Argatu, Nikolay Burdüja, Yanış Karavan oldu …

Gagauziya dzüdo açık çempionatı topladı Moldovanın en kaavi sportçularını

Geçän dinnenmäk günnerindä Komratta Gagauziyanın regional sport liţeyindä geçti dzüdo açık çempionatı. O topladı  Moldovanın 9 en kaavi komandasını. Yarışmaklar geçtilär  türlü aarlık kategoriyalarında. Avtonomiyadan çempionatta pay aldılar sportçular Komrattan, Kazayaktan, Valkaneştän, Çeşmä küüyüdän. Gagauziyanın  dzüdo açık çempionatı geçti Komrat sport liţeyındä. Güreşlär geçtilär iki matta.  Onnar topladılar devletin en kaavi dzüdocülarını. Kızgınnık duyulardı bütündän. Kimisi istemäzdi gitmää taradılmış. Ama sport olä: var taramaklar da, taratmaklar da.  Çempion oldular nicä en küçüklär, ölä dä te onnar, kim diil bir keret kalktılar devlet hem Evropa yarışmakların şannı pyedestallarına. “Konkurentım taa yufkaydı bendän, ama hepsi ii geçti”.   “ Bän beendim nicä…