Video: Komrattakı bolniţa kabletti yardımı Germaniyadan
Yardımın içindä var ilaçlar, dezenfektantlar, yaraları sarmak bezlär. Onu kabletmää kolaylık oldu Halk Antikrizis Ştabın hem Germaniyadan gumanitar kurumnarın aralarında annaşmaya görä.
Gumanitar yardımını bolniţaya deyni verdilär baamsız organizaţiyaları Germaniyadan. Bunu bildirdi Halk Antikrizis Ştaban başı Viktor Petrov. O nışannadı, ani bütün yardım, ani lääzımnı medik kurumnarına, verilecek bolniţaya.
VİKTOR PETROV, Halk antikrizis ştabın kurucusu: “Bu yardımı verdi Baamsız organizaţiya Germaniyadan, çünkü büün onnar hepsi lääzımnı hem harcanılan tertiplär. Bu medik tertipleri hirurgiya hem travmatologiya bölümnerinä deyni. Bu yardım parasız, o duyuldu, çünkü Gagauziyanın çoyu yaşamak punktlarında var Medik sanitar bölümneri, angılarının var hergünkü sorumnuukları onnarda”.
Verilmiş yardımın taa çoyu harcanılacȇk hirurgiya hem travmatologiya bölümnerindä, nışannadı Komrattakı dolay bolniţasının baş doktoru Nina Railän. O söledi, ani yaralar için materialların yardımınnan yardım yapılacȇk hastalara, kimä lääzım hızlı yardım. Bolniţanın başı Nina Raylän haberledi, ani bu diil ilk yardım, angısını verdi Halk Antikrizis Ştabı “ NAŞ”.
NİNA RAİLÄN, Komrat dolay bolniţasının baş doktoru: “Bizä artık NAŞ getirdi gumanitar yardımlarını, hep ölä medik tertipleri gibi hem mediţina tedarlıklarını,onnar verildilär hirurgiya hem travmatologiya bölümnerinä. Bölä yardımlar vererlär kolaylık arttırmaa paraları. O üzerä, isteerim şükür etmää hepsini, kim yardım eder bizä. Çünkü bölä baaşışlar bizdä hergünkü kullanmamızda lääzımnı”.
Satın almaa deyni bölä tertipleri haracanılêr büük paralar, çünkü onnar gün-gündän kullanmasında zeedelenerlär. Bu yardımın faydası büük, ama bolniţada var taa eksiklär.
KONSTANTİN YANİOGLO, Komrat dolay bolniţasının baş doktorun yardımcısı: “Sıcak yorgannar, çarşaflar, elektrik tertipleri, bunnar da bizä pek lääzım, herlim verärsaydılar gumanitar yardımı olarak”.
NAŞ” plannara koydu ötää dooru da yardım etmää medik kurumnarına avtonomiyadan, nışannadı Viktor Petrov. O söledi, ani onnarın organizaţiyası sıkı baalantıları tutêr halklarası baamsız kurumnarınnan, ki olsun kolaylık yardım etmää diil sade medik hem cümnä bölümnerinä, ama başka uurda organizaţiyalarada. Gagauziyadan.
Источник grt.md 28.10.2021