Valentina Koroläk: “Er lääzım olsaydı taa bir keret ayırmaa zanaat, bän genä jurnalistikayı seçeceydim”
Valentina Korolään adı hem GRT kompaniyası bir birinä sıkı baalı.O herzaman açık hem güler üzlü danışȇr insannara, o GRT – nın en tanılan kişilerdän biri, o herzaman şaştırȇr siiredicileri.
Televizionun baş redaktoru Valentia Koroläk — talantı bir insan. O herbirinä yardıma geler.
«Bän bilerim benim Valentinayi çok yıl, biz barabar işleerız burada otuz yıl.O pek islää, talantlı bir insan», — söler kollegası için GRT-nın jurnalistı Polina Barbova.
«O pek islää, talantlı bir insan. Herzaman o verer bizä nasaat, da biz onu işideriz. O benim üüredicim», — söleer televizion haberlerin redaktoru Tatyana Stavilova.
Valentina Danilovna jurnalistika uurunda işleer Komrat televideniyasının kurulmasından beeri.
«Bütün benim yaşamam baalı televizionnan – bu benim yaşamam,benim işim,benim ayläm», — paylaşȇr Valentina Koroläk.
Nicä götürmää kendini türlü durumnarda, nesoy soruşları vermää respondentä Valentina Danilovna maasus nasaat verecek.
«İş televizionda hertürlü olȇr — islää dä, diil islää dä, ama biz kendi işimizdä lääzım bulalım sade pozitiv. Herbir korespondenttä var kendi özellii, neçinki insannar benzämerlär bir-birinä», — söler GRT televizionun baş redaktoru.
O herzaman farklı, herzaman şen hem da herzaman zamandaş dalgasında, da hiç bir zaman pişman olmȇȇr, ani bu zanaata geldi.
«Erli gelseydi o vakıt, açan lääzımdı ayırmaa kendinä zanaat — bän ayıraceydım onu enidän. Bana deyni o pek meraklı», — açıklȇr Valentina Koroläk.
Pek sık programalarının musafirlerinä Valentina Koroläk sorȇr: “Nesoy sizin yaşamanızın kredosu?”. Ama kendi Valentinanın yaşamak devizi ölä:
«Sade ileri! Hem lääzım inanmaa kendini hem da insanı».
Reportör: İrina Karaman
Video: Grigoriy Stavilov
Kurgu: Aleksey Gerçu
Источник grt.md 20.10.2022