Doktor: «İlaçların reklaması düşmeer hererdä gösterilsin»
İlaçların reklamalarınnan biz her gün karşılaşȇrız, ama onnarın faydası taa çoyundan düşük ya da hiç yok. Onuştan mediţina uurunda uzmannar nasaat ederlär reklamayı kabletmää sade haber olarak, ama savaşmamaa kendi başına ılaçlanmaa. İlacı satın alıp — almadan, ilkin lääzım doktoradanişmaa.
İlaçların sık reklaması getirer ona, ani insan kararsız onnarı kullanȇr, söledi televideniye hem radio Nasaatın temsilcisi Evgeniy Rıbka. Bu problema diil sade Moldovada, ama Evropanın çoyu devletlerindä dä var, nışannadı o.
«Ne baalı ilaçların reklamasınnan, burada var sert hem çoktankı sınırlar Evropa standartların uurunda. Lääzım esaba almaa, ani Moldova bitki yıllar o standartların çoyunu geliştirdi. Ama problemalar Evropa standartların geliştirmesinnän baalı taa var», — haberledi Evgeniy Rıbka.
Bölä mediklär dä düşünerlär. Onnar belli ederlär, ani farmaţevtlar kendileri dä reklama yapȇrlar yada ilaçları nasaat ederlär.
«Bizim psihikamız ölä kurulu, ani sesleeriz, ne dışarda söleerlär. Gün-gündän işidip bir işacı, mutlaka isteeriz denemää. Bu baalı diil sade ilaçlarlan, ama başka sebeplärlän da. Ne baalı ilaç reklamasınnan, o hepsinä düşmeer gösterilsin», — söleer Komrattan aylä doktoru Valentina Fileva.
Bir da ilacä diil lääzım reclama yapılsın, sayêr Valentina Fileva. Onun laflarına görä, er insan fenalaşırsa, en ilk lääzım doktora danışsın, ama diil reklamayı sesleyip aptekaya kaçsın.
«Kararı kabletmää deyni, lääzım mı o sizä, osa diil mi lääzım, mutlaka doktorun konsultaţiyası lääzım», — nışannêêr Valentina Fileva.
İlaşların reklamalarına hepsi inanmȇȇr. İnsan biri-birini sesleyip kendi kararına görä ilaçları alȇrlar, açikladılar insannarın çoyu, kımınnän biz karşılaştık sokakta.
«Bän reklamayı inanmêêrım. Şüpelenerim ani var dııl gerçek ilaçlar, doktorlar da onu yazarsa. Biz kendimiz biri-birimizä ilaçlara rekmlama yapêrız. Onuştan sanêrım ani ileştirän ilacın reklamasını diil lääzım yapmaa».
«Onnar hepsi yalandırêrlar. Kimsey aslıyı demeer. Sade hasta insannar biler, angı ilaçlan onu iileştirerlär hep ona islää geler».
«Bän ilaçlarda pek annamêêrım, onuştan reklamaları esaba almêêrım».
«Reklamaya pek inanmêêrım, taa çok doktoru inanêrım».
2023-cü yıldan Moldovada reklama için eni kanon başlayacek çalışmaa. Onda avtorlar söleerlär, ani soţial reklamaları çalışaceklar. Televidenie hem radio Sovedi söleer, ani onnar devletimizin geleceenä deyni faydali olaceklar.
Источник grt.md
