“Moldovagaz” kurumu borçlar için gazı kapatmaa başlayacek
“Moldovagaz” kurumun ofiţial saytında veriler haber onun için, ani eer yaşayannar vakıtlan gazı ödämäärseydilär, onnara gaz verilmesi kesilecek. Bu karar başlȇȇr işlemää çeviz ayın birindän.
“Moldovagaz” kurumu açıkladı, ani kullanılmış gazı ödämeyennedä başlayarak çeviz ayın birindän gazı var nicä kessinnär.
— “Zeedeletmemää deni kullanılmış gaz için borçları, temelleneräk Energetika agenstvosununnan 2019-cu yılda kaavilenmiş “Natura gazını vermäk kararın” 104-105-ci punktlarına “Moldovagaz” kurumu haberleer, ani başlayarak harman ayın 29-dan borçlu ekonomika agentleri gazsız kalaceklar. Ceviz ayın birindän dä gazı keseceklär borçlu yaşayannarda. Bu karara baalı “Moldovagaz” kurumu yalvarȇr yaşayannara vakıtlan gazı ödesinnär”.
Harman ayın 25-nä kadar MD-dä kullanılmış gaz için borçlar 55 ml 800 bin ley kurȇrlar. Onnarın 36 mln-dan zeedesi yaşayannarlan toplanılmış borçlar. Yaşayannar sayȇrlar, ani gazı ödemää vakıtlan lääzım, ama büünkü paalarlan bu işi pek zor yapmaa.
-“Bän gazlan işledim hem bileerim, ani eer beş gün ödemeersän gazı-onu keseceklär. Bu iş için annamȇȇrım neredän Moldovada bukadar borç gaz için var”.
— “İnsan savaşȇr ödemää, brakȇr hepsi işlerini dä en ilkin gazı öder”.
— “Sayȇrım, ani en ilkin lääzım bir-iki sıra haberlemää da bundan sora sade kesmää gazı”.
— “Herbirinin var kendi problemaları, sanȇȇrım, ani bir iki gün taa geç ödärsä insan bişey bu iştän olmayacek”.
— “Bizdä ikişär bin pensiya, ama var hasta yaşayannar da- onnar nesoy ödeyeceklär gaz için?”.
— “Yok ne sobam ne dä başka yakacaam. Kesärseydilär gazı da bilmeerim ne yapacam”.
— “Onnar diil lääzım kessinnär, ko versinnär kolaylık yavaş-yavaş ödemää”.
Energetika uurunda ekspert Viktor Parlikov nışannȇȇr, ani “Moldovagaz” lääzım vakıtlan haberlensin yaşayannarı gazın kesilmesi için.
VİKTOR PARLİKOV Energetika uurunda ekspert : — “En ilkin onnar lääzım bellietsinnär sebepi neçin kesiler gaz hem bu işi onnar lääzım vakıtlan yapsınnar. Alarak esaba büünkü paaları, yakışȇr olsunnar ölä yaşayannar, angıları gazı ödeyämeyeceklär, onnar lääzım danışsınnar “Moldovagaz” kurumuna”.
Uzman nışannadı, ani bu kararı gerçekläärkenä lääzım esaba alınsın cümnä faktoru da.
VİKTOR PARLİKOV Energetika uurunda ekspert : — “Lääzım açıklamaa kim ödämedi hem ne sebeptän bu iş oldu. Beki etiştirmedi, beki hastalandı, beki parası yok…Bu durumdan çıkış herzaman var, onuştan lääzım esaba alınsın insannık faktoru da”.
Gazın paası MD yaşayannarına deyni büün kurȇr 22 ley 99 ban. Bu paalar Energetika Millet Agenstvosununnan harman ayın 12-dä kaavilendiläär.
Источник grt.md
