Türkiyedä genä büük er tepremesi oldu. Ölennerin sayısı 284. Yaralı – 2323 kişi.
Küçük ayın (fevral) 6-da saat 04:17 gecä Türkiyenin Kahramanmaraş bölgesinin Pazarcık rayonunda göbää olan büük bir er tepremesi oldu. Açıklanan haberlerä görä er tepremesindän 284 kişi canını kaybetti, 2323 kişi dä yaralandı.
Kahramanmaraş bölgesindeki büük er tepremesinin sarsılatmak magnitudası 7,4 bal oldu hem o bulunardı 7 km derinniindä.
Taa sora da Gaziantep bölgesindä taa üç tepremäk oldu, onnarın sarsılatmak magnitudası 6,4 – 6,6 bal arasıydı.
Türkiyenin er tepremesi kontrol kuruluşu bildirer, ani bu büük er tepremelirindän sora 3,9 – 4,1 bal arası magnitudaları olan taa 78 sarsılama oldu.
Bu er tepremesi etliledi KKTC, Kipra: Siriya, Livan hem İrak devletlerini dä. Açıklanêr, ani sade Siriyada bu tepremektän üzdän zeedä insan öldü.
Bu büük belaylan ilgili olarak Moldovanın Prezidentı kendisinin hem Moldova halkının acızgannıını Türkiyeyä bildirdi.
Biz dä, “Ana Sözü” redakțiyası ollarak hem okuycularımızın adından, bu aar hem kahırlı durumda, bütün Türkiye milletinä kendi acızgannıımızı bildireriz. Er tepremesindä raametli olannarı Allaa saa yanına kabletsin. Yaralı olannar da taa tez alışsınnar.
Источник anasozu.com 06.02.2023