Çirkin bela, büük kahır – Türkiyedä tepremin ölü sayısı 3 binä yaklaştı
Küçük ayın (fevral) 6-da Tükiyedä biri-biri ardı olan iki er tepremesindän 2921 insan canını kaybetti, 15 834 kişi dä yaralandı.
Türkiyenin Üstolan Durumnarı (AFAD) Upravleniyasının Başkanı Yunus SEZAR açıkladı, ani, son duruma görä, Tükiyenin Kahramanmaraş bölgesindä olan hem Tüekiyenin bütün üülen tarafını etkileyän er tepremesindän, bu saatta, 2921 insan canını kaybetti, 15 834 kişi dä yaralandı.
Türkiye Respublikası Prezidentı Recep Tayyip ERDOĞAN, dedi, ani bu er tepremesi, 1939-cu yıldan sora, Türkiyeyi aar etkileyän en büük tepremäkti. Kendi vatardaşlarına acızgannıını bildireräk, Canabisi açıkladı, ki “2023-cü yılın Küçük ayın 6-da memleketimizdä meydana gelän tepremlär sebepinnän edi gün sürecek milli yas bildiriler. Bütün yurtta hem dış temsilciliklerimizde 12 Fevral 2023 pazar günü güneşin batışına kadar bayraamız yarıya çekilecektir”.
Türkiyedä olan er tepremesindän Siriya devletindä dä büük zararlar var. Burada ölülerin sayısı bir bini geçmiş, çok yaralı da var.
Bu er tepremesi büük bir gumanitar katastrofası. Çok devletlerdän Türkiyeyä yardımnar hem insannaraı darmadaan olan evlerin altından kurtarmaa deyni kurtarıcı ekipleri yollandı.
Источник anasozu.com
