Prokuroru seçmäk konkursu için kanon diişilmeklerini Bakannık Komiteti kabletmedi
Bakannık komiteti kendi oturuşunda baktı soruşu, baalı Gagauziya prokurorun gorevinä konkursun geçirilmesi için. Onnarı hazırladı Gagauziya Halk topluşu. Peydalanmış soruşların beterinä Bakannık komitetin azaları kararladılar taa derindän soruşu bakmaa, ki diişilmekleri bu kanona yapmaa.
Tekliflän yapmaa dişilmekleri kanona «Hazırlamaa hem geçirmää konkursu Gagauziyanın prokurorun görevinä» söz tuttu GHT başın yardımcısı Georgiy Leyçu. Onun iniţiativasını Bakannık komitetin azaları baktılar. Üstiţiya bakanı Vitaliy Derevenko kanona diişilkmekleri proektin çıkışlarını okudu.
Derevenko nışannadı kanonun kimi punktlarını, angılarını diiştirdilär hem Bakannık komiteti onnarlan diil kayıl,onuştan ani sayȇrlar şindiki kanonu taa uygun.
«Bakannık komiteti diil kayıl bu dişilmeklärlän», — söledi Vitaliy Derevenko.
Başkan İrina Vlah Derevenkoya sordu neçin şindiyadan geçirilmedi Gagauziya prokurorun görevinä konkurs.Üstiţiya Bakanı nışannadı, ani kandidatların öndercilik kalitelerin testların beterinä.
«Komisiyanın azaları danıştılar ,ki prokurorların Üüsek soveti versin testleri,ki yakışsın konkursu geçirmää. İlktän testlar yoktu. Sora komisiya savaştı kendisi o testları bulmaa hem vermää.Ama bu işi yapmaa deyni lääzım olacȇydı erli normativ aktlarını diiştirmää. Ama ölä dä bişey yapılmadı», — açıkladı üstiţiya bakanı.
Bitkidä, Bakannık komiteti kararladı bu soruşu başka günä geçirmää. İlkin annayacȇklar var mı nicä dişilmekleri kanonda engel etsinnär konkursu geçirmää.
«Durum biraz dolaştı, onuştan taa ii olacȇk bu soruşu başka günä brakmaa, ki esaba alınsın herbir kandidatın hakları. Kandidatlar bilerlär konkursun sorumnarını, ama onun süresindä sorumnar diişilerlär. Sanȇrım, ani onnar kayıl olmayacȇklar. Beki, lääzım ilkin Halk topluşunda bu soruş bakılsın, ki bitkidä bir karar kabledilsin», — söledi Bakannık komitetin başın yardımcısı Olesä Tanasoglo.
Geeri dönmää bu soruşa Bakannık komiteti kararladı kanon proektin avtorlarınnan.
Reportör: M.Statova
Ses: M.Topal
Video: Grigoriy Stavilov
Kurgu: Mariya Kazaku
Источник grt.md 21.10.2022