Deputatlar teklif ederlär azaltmaa iştän çıkmasınnan baalı ödemekleri avtonomiyanın regional kuvetlerin temsilcilerinä
Gagauziya Halk topluşun deputatları çıktılar tekliflän, angısında isteerlär «Bakannıık komitetin işi için» kanonun 23-cü statyasını diiştirmää. Bu statya verer soţıal garantiyalarını Bakannıık komitetin azalarına.
Bakannıık komiteti baktı Gagauziya Halk topluşun kanon proektini diiştirmää «Bakannıık komitetin işi için» kanonun 23-cü statyasını . Bu soruşu açıkladı finans bakannıın başı Tatyana Doyçeva.
TATYANA DOYÇEVA, Gagauziya finans bakannıın başı: «Proektın avtorları «Bakannıık komitetin iş statusu için» kanonun 17-ci statyasına aardılȇrlar. Onnar esaplı yaklaştılar soruşa, angısı baalı devlet görevlerindä çalışannarlan, ama Bakannık komitetin azalarını yannış devlet görevlerindä çalışannarın arasında saydılar».
Bakannık komiteti dayma türlü kanon proektlerinnän çıktı, ki diiştirilsin kanona görä devlet görevlerindä çalışanarın kazanç paraları. Ama şindiyadan diişilmeklär olmadılar, nışannadı Gagauziya finans bakannıın başı Tatyana Doyçeva.
TATYANA DOYÇEVA, Gagauziya finans bakannıın başı: «Sayılȇr, ani esaba alınmadı 7-ci statya, şindiki kanonda da yok kabledilmiş cezalardan sora çıkışlar».
Gagauziya Halk topluşun başın yardımcısı Aleksandr Tarnavskiy söledi, ani lääzım 23-cü statyasını diiştirmää.
Gagauziya finans bakannıın başı nışannadı, ani gagauz kanonnarında bakılmış cümnä sigortaları lääzım korudulsun. Onnarı iisiltmää diil lääzım.
Источник grt.md 17.03.2022