POLİŢİYA KONTROL EDER AVTOBUSLARI
Hederlez ayın 23-dän kirez ayın 10-dan devlettä » Avtobus» akţıyası geçiriler, ki belli etmää cümnä transportunda koşulları. Bu yapılȇr ki iisiltmää yolrazgelmelerini. 2021 –ci yılda Gagauziyada cümnä transportu belli edildi 1 yolrazgelmesindä. Kimisi yaralanmadı.
«Avtobus» akţıyasının süresindä poliţıya kontrol eder cümnä transportların şoförların dokumentlerini hem avtobuslarda koşulları.
ANDREY DİMİTROGLO Çadır -Komrat yol poliţıyasının baş ofiţerı
«Biz bu akţıyayı geçireriz ,ki durgutmaa yol razgelmelerini hem insan A erindän B erinä korunçlu etişsin. Avtobusun hızlı gitmesini, tehnika durumunu hem avtobuslarda insannarın sayısını kontrol edecez».
Şoförlar lääzım durgunsunnar sade maasuz duraklarda, transportun tehnika durumunu gözletsinnär, zeedä insan avtobusa almasınnar, yolda kuşku olsunnar.
»Bän 40 kilometra bir saatta giderim.Zeedä insan da avtobusa almȇȇrım».
«Ölä dä insan pek pinmeer cümnä transportuna, onuştan da kanonca çalışȇrız».
«Kanona karşı giderim, ama siirek. Ama sırasınca işleerim,savaşȇrım yol kurallarına görä işimi götürmää».
Yol poliţıyasının izmetçileri şoförlara nasaat ederlär olsunnar kuşku yollarda, yol nışannarını hem kurallarını esaba alsınnar, ki yayan gezennär hem şoförlar korkusuz yollarda gezsinnär.
ANDREY DİMİTROGLO Çadır -Komrat yol poliţıyasının baş ofiţerı
«Belli edildiynän kanona karşı gitmeklär şoförun tarafından 450 leydän 600 leyä kadar çeza koyulȇr hem 3 cezä noktaları koyulȇr. Kim yolda pek hızlı gider var nicä 600 leydän 1800 leya kadar ceza koysunnar. Eerlim zeedä insan avtobusta varsa 750 ley ceza şoför ödeer».
Moldova Devletindä geçti yıl 97 yol razgelmeleri sayıya koyuldu, neredä kabaatlıydı cümnä transport. O beterä 3 kişi geçindi,106 insan yaralandı.Yol razgelmelerin bütün sayısından 80 % Kişinövda oldular.
Источник grt.md
