Video: Gagauziyada “Peşehod” operaţiyası geçer
Canavar ayında millet poliţiya inspektoratı geçirer Gagauziyada «Peşehod» operaţıyasını. Bir ayın süresindä Yüg bakannıın zaametçileri gözlederlär insanarı hem araba kullanıcılarını, nesoy onnar bakȇrlar yol kurallarını.
Maasus operaţiyanın süresindä millet inspektoratın zaametçileri getirerlär insannarın akıllarına, ani yol kurallarını lääzım bakmaa, atent olmaa svetoforlarda, geçmemää yolu neredä yok maasus nışanar. Araba kullanıcılarına gezmek rejımını hem kolvermää insannarı geçärkänä yolu. Neçin ki diil hepsi onnar bakȇrlar bu kuralları, söleyip, ani yolu geçmäk nışannar bulunȇrlar pek uzakta.
“Resimnäyın nışannarı, da bän kanona karşı gitmeyecäm”.
“Bütün yaşamamı ölä geçerim. Hepsi bölä geçer, bän ölä geçerim. Bän diilim buralı”.
Bu operaçiyanın baş neeti — haberlemää insannarı, ki gidärkänä yol kurallarına karşı, onnar var nicä getirsinnär kötülük diil sade kendisinä, ama yakında bulunan insannara da. Araba kullanıcıları da lääzım olsunnar taa atent yolda, ki yannışlıklar için koyulȇr cezalar, haberledi Yüg bakanıın ofiţȇrı İvan Jeçkov.
İVAN JEÇKOV, «Yüg» bakannıın ofiţȇrı: “Bölä kanona karşı gitmeklär için yayan gezän insan cezalanȇr 600 leya, araba kullanıcıları sa 1500 leya, hem onnara koyulȇr 4-cü ceza puanı”.
Millet poliţiya inspektoratın bilgilerinä görä, bu yılın 9 ayın içindä devletin üülen tarafında oldu 177 yol razgelmesi, angılarında öldü 25 kişi, yaralandı 192. Bu vakıdın içindä yayan gezän insannar sebep oldu 19 yol razgelmesinä, angıların beterinä öldü bir kişi, 18 da yaralandı. Kanona karşı gidennerä koyuldular cezalar hem 265 protokol yazıldı.
Источник grt.md
