Okula hazırlamaklar: ne kadar eder şindi uşaa toplamaa üürenmäk yılına?
Eni üürenmäk yılın çeketmesinädän kaldı bir aydan az. Analar — bobalar başladılar hazırlamaa uşakları şkolaya da almaa lääzımnı tedarlıkları, rubaları hem cantaları. Analar aalaşȇrlar, ani paalar bu yıl pek üüsek, bakarak geçän yıla. Onnara sıra geler bu uura harcamaa taa çok para.
27 gündän sora uşaklar döneceklär okullara. Analara deyni harman ayı zor ay. Lääzım maasuz almaa tedarlıkları okula, ayakabı, ruba, canta hem başka işleri. Çoyu okullarda, nışannadılar analar-bobalar, okul forması diil lääzım. Paalar diil birtürlü. Bir çigt ayakkabı, nicä kızlara ölä da çocuklara, tutȇr 500 leydän yukarı. Analar-bobalar lääzım harcasınnar çok para almaa deyni lääzımnı işleri.
“Yakın 200 ley lääzım harcamaa. Canta alȇrım, formadan nesa lääzım almaa, nesa kaldı geçän yıldan, benim kızlarım hızlı büyerlär. Eni lääzım almaa. Bir kızım sekizincı klasta, öbürü dokuzuncu”.
“Lääzım almaa tefterleri, kalem, yazal. Benim uşaam geçer sekizinci klasa. Paalar üüsek”.
“Şindi nicä paalar kalktılar, pek paalı oldu. Ruba lääzm, diil sade tefterlär. Bir uşaa harcadım yakın 300 evro. Bu yıl yok bukadar param”.
“Satın alȇrız rubaları, okul tedarlıklarını. Lääzım yakın dört bin ley”.
“ Cantayı almaa deyni lääzım veriim yakın bin ley”.
Urgulayacez, ani Bakannık Komitetin bitki oturuşunda kabledildi karar vermää yardımı 500 ley analara – bobalara uşaa hem onnarın analarını-bobalarını eni üürenmäk yılı için. Bu harcamaklar bakılaceklar avtonomiyanın büdjetında. Onnarı var nicä olacek kabletsin 16 bin uşak 1-12 klaslardan. Bütün yardımın sayısı kuracek 8 million ley. Ama bu iş olsun deyni GHT lääzım yapsın diişilmekleri büdjeta.
Источник grt.md 08.08.2022