Mediklerä aylık parayı üüseldeceklär 10 %-dä
Oktäbrinin 1-dän devletin medik işçilerinä aylık parasını üüseldeceklär. Büültmäk 10 % kuracek. Moldova devletin saalık Ministerlii 2022-ci yılına «Mediţina sigortasının fondu için» kanonuna diişilmeklerini geliştirdi. Proekt Hükümetlän inandırıldı.
10%-dä kazanç parasının üüseldilmesi Valkaneş dolay bolniţasının doktorlarına deyni devlettä infläţiyasına bakarak, büültmäk evdeki büdjettä duyulmayacek.
МİHAİL KAPSAMUN doktor :- «İnfläţiyayı hem doktorların kazanç paralarını esaba alarak büültmäk hem fayda olmayacek. Bän 0,75 stavkaya işleerim, sıra geler gecä taa işlemää. 10%-dää parayı kaldırmaktan fayda olmayacek. İslää, ani saalıım var da işleerim».
Valkaneşin dolay bolniţasının medik yardımcıları şaşȇrlar, ani sade 10%-dä kaldırmak olȇr.
SVETLANA HERGELEСİ medik yardımcısı : — «10% kaldırmak pek az. Bakınca inflyaţiyaya hiç duyulmayacek. Kazanç parası ölä da küçük».
SVETLANA KARAKAŞ medik yardımcısı terapiya bölümündä : — «Az, çünkü 40% -dä kaldırmaa adadılar».
VALENTİNA KİSAKOVA sanitarka terapiya bölümündä : — «10% -dä üüseltmäk az. Bän uşaklan yaşȇȇrım, yakacaam yok, katölu da nicä yakacam bilmeerim».
Moldovanın devlet bolniţasının hirurgu Aleksandr Daniç söleer, ani doktorlar paţientlerinä herkerä savaşȇrlar kaliteli medik yardımın vermää.
— «Nekadar kendimi aklımda tutȇrım, mediklär sormardılar kazanç parası için. Bakmadaan aylık paralarına medik işçileri yardımcıları kendi işini hepbir yapardılar».
Saalıı korumak ministerliindä belli ederlär, ani bu yılın sentäbrinin 1-dän devletin medik kurumnarından büdjet çalışannarına aylık parasının 5,5 %.
Источник grt.md
