«KÖRLERİN DÜNNESİ» SPEKTAKLİSİ
Dinnenmäk günnerindä Komratta Gagauz Milli teatrusu kendi 25-ci teatru sezonunu açtı. «Körlerin dünnesi» spektaklisi gösterildi. O pyesa-pilda annaşmamazlık için insannarın arasında.
Diişmäk odada bitki hazırlanmak başarılȇr . Kız,angısı boyȇr aktörları, profesional gibi boyadı onnarı, sansın halizdän görmeerlär. Spektakli başladı.Aktörlar daaldılar kendi rollerinä. Pyesanın baş kahramanı Nunyes düşer küüyä ,angısı bütün dünnedän ayırı yaşȇr. O orada dastan işitmiş ,ani o küüyün herbir yaşayanı hastalanmış. Herbiri kör kalmış. Bu dert geçiriler uşakların uşaklarına da. Er tepremesindän sora o insannar yalnız kalmışlar. Pyesanın rejisöru Denis Baburin annattı, ani spektakliyi yakın 20 kişi hazırladı, 12-si onnarın arasında — aktörlar.
DENİS BABURİN pyesanın rejisöru : — «Bu spektakıl yaşamak için , sevda için hem gösterer, ne olȇr dünnedä. Açan yok sevda, bişey insanı merak etmeer. Bizim aktörlar pek becerikli».
Yaradıcılık uurunda Milli teatrusunun başı Mihail Gagauz 2001-ci yıldan beeri teatruda işleer. Bu spektakıldä oynȇȇr aarif ihtiarı. Mihaila deyni o 40-cı rol.
MİHAİL GAGAUZ Yaradıcılık uurunda Milli teatrusunun başı : — «Rol zordu. O filosofiyalı rol. Düşünmää başlȇȇrsın. Öncä dä vardı bölä rollär bendä,ama diildilär bukadaradan».
Gagauz Milli teatrusunun atöru Andrey Redjepov küçük çocuu oynȇȇr,angısı bütün spektaklinin süresindä siiredärdi, ne olȇr dolayında. Soruşa ,kolay mı rolä girmää,Andrey cuvap etti, biraz zorcaydı.
ANDREY REDJEPOV aktör : — «Bän aaradım , filmı siirettim. Baktım nicä başkası kendi rollerini yonȇȇrlar. Söleyecäm,ani bitkiyädän rolü duymadım ».
Gagauz Milli teatrusunun aktöru Valentina Uzun ilaççıykayı oynadı. O nışannadı,ani bakmayarak ona,ani az laflı roldü,ama derin maanalı.
VALENTİNA UZUN Gagauz Milli teatrusunun aktöru : — «Bu spektakıldä makiyaj herbir aktörda birtürlüydü. Belli olsun ,ani hepsi kör. Üfka görän insannar başka kolaylıkları aaramaa başladılar ».
İki saadın içindä siiredicilär mayıllıklan spektakliyi baktılar. İki dildä rus hem gagauz spektakl koyuldu.Onun premyerası oldu Çadırın kultura merkezindä.
Источник grt.md 19.09.2022