Gagauz milli teatrusu temsil edildi Türksoy türk dünnesinin teatru öndercilerin toplantısına

Mardın 12-14-dä Türkiyanın Bursa kasabasında TÜRKSOY 8-ci türk dünnesinin teatru öndercilerin toplantısını geçirdi. Oluşta pay aldı teatru öndercileri: Türkiyadän, Azerbaydjandan, Kazahstandan, Kırgızstandan, Uzbekistandan, Kibristan hem Moldovadan (Gagauz Yeri) devletlerindän.

D.Tanasoglu adına Gagauz milli teatrusunun müdürü Mihail Konstantinov TÜRKSOY türk dünnesinin teatru öndercilerin toplantısında pay aldı, angısı 2014-cü yıldan geçiriler.

«Te o üzerä, ki açmaa teatruların problemnerini, nesoy yardımcı olmaa biri-birimizä diil sade laflan, ama işlän dä. Deyecez bekim rejisör başka devlettän lääzım gelsin da koysun bir spektakli yada yardım sţenograf tarafından. Hem da plannȇȇrız, nesoy ileri dooru teatru işini götürmää, türk dünnesi halklarası festivallerinä katılmaa», — annattı Mihail Konstantinov.

Forumda kaldırılȇr soruşlar, ne baalı türk halklarında teatru incäzanaatın korumasınnan hem ilerlemesinnän. Teatruların problemaları rejisörların, sţenaristlerin taraflarından sade açıklanmȇȇrlar, bilgilärlän hem spektaklilerin koymak süjetlerinnän incäzanaat uzmannarı yardımcı olȇrlar biri-birinä.

«Deyecez, Azerbaydjandan bizä rejisör geldi. Tural Mustafaev Bakudan «Paalı Pamela» spektaklisini koydu. Sţenograf Azerbaydjandan geldi. Bu yardımnar oldular», — nışannadı Gagauz milli teatrusunun müdürü.

TÜRKSOY türk dünnesinin teatru öndercilerin toplantısına Gagauz milli teatrusunun başı Mihail Konstantinov 2013-cü yıldan katılȇr.

Источник grt.md

BOT işçi

23.03.2022

242

Categories: Без категории

İlgili statyalar

Konyada 13-cü “Bin Nefes Bir Ses” teatru festivali oldu

Artık 13-cü olan hem 21.06.2021 – 01.07. 2021 günnerindä Türkiyenin Konya kasabasında geçän “Devlet Teatruları Konya “Bin Nefes Bir Ses” (“Bin soluk bir ses”) Halklarası Türkçä Teatru yapan memleketlär Festivali” geçti. Festivaldä pay aldı Gagauziyanın Çadır kasabasından “Dionis TANASOGLU” gagauz Milli teatrusu da, angısı gösterdi “Sevgili Pamela” spektaklisini (dramaturg – Djon PATRİK, rejisör –Tural MUSTAFAEV). Gagauz teatrusunun artistleri hem gösterilän spektakli siiredicilär tarafından büük meraklan hem sıcaklıklan kabledildi. Источник anasozu.com

BOT işçi

336

10.08.2021

Gagauz milli teatrusu Naţional Teatru Premiyasından 5 ödül kabletti

Moldovanın Naţional Teatru Premiyasında «Gala Premıılor Unıtem-2022» DionisTanasoglu adına Gagauz Milli Teatrusu bu yıl kazandı 5 premiya. Moldovanın Naţional Teatru Premiyası avşamı her yılın sonunda geçiriler. Burayı katılȇrlar Moldovanın profesional teatruları. Onnarın var hakı burayı yılın süresindä gösterilmiş spektaklilerinnän çıkmaa. Bu yıl yarışmakta pay aldı 42 spektakli. DionisTanasoglu adına gagauz milli teatrusu “Körlerin dünnesi” spektaklisininnän çıktı. “En ilkin isteerim şükür etmää teatrunun uzmannarını, siyredicileri, angıları gelerlär bizä hem büük saygı bizim dostlarımıza hem kollegalarımıza Pridnestroviyanın N. Raneţkaya adına devlet teatrusundan D. Ahmadieva hem O. Yakimenkoya, angıları yardım ettilär bizä spektaklinin horeografiyasını hem plastikasını düzmää. Bu ödül verer bizä kuvet ileeri…

BOT işçi

103

15.12.2022

D.Tanasoglu adına gagauz milli teatrusu kendi 25-ci yıldönümünä gösterdi eni spektakliyi

D.Tanasoglu adına gagauz milli teatrusu 25-ci yıldönümünü nışannȇȇr. Bu yortuya karşı teatrunun aktörları sţenaya Dionis Nikolaeviç Tanasoglunun “Uzun kervan” romanına görä “Uzieyälet. Son düüş” spektaklisinnän çıktılar. Spektaklinin premyerasında bulundu bizim televizion grupamız da. 2022-cı yıl Gagauziyanın Bakannık komitetin kararına görä Dionis Tanasogluya adandı. Bu gözäl olaya gagauz milli teatrusu bütün yıl kendi işini baaladı. Dionis Tanasoglunun “Uzun kervan” romanına görä “Uzieyälet. Son düüş” spektaklisini Gagauziyanın yaşayannarı özel duygularlan hem alkışlarlan karşıladılar. “Teatro hem incäzanaat insanın yaşamasında büük rolü kaplȇȇr. Dionis Tanasogluyu bu yıl gözäl andı gagauzlar, okullar, kultura merkezleri. Teatru da, hakına, gözäl geçirdi iki sezonunu da. Biz siyrettik “Oglan…

BOT işçi

108

13.12.2022

TÜRKSOYun 7-ci Halklararası Anadolu teatru ödülleri verildi

Canavar ayın 11-dä İstanbulun “Water Performing Arts” sțenasında “Teatro gazetası” tarafından hazırlanan sırada türkdilli devletlerin artistlerinä verildi TÜRKSOYun Halklararası teatru ödülü. 7-ci Halklararası Anadolu teatru ödüllerin seçici jürisi ayırdı ödüllerä Türkiyedän hem türkdilli devletlerindä artistleri, angılarının teatru uurunda 2019-2020 yıllarında izmetleri kantara koyuldu. Bu sırada, artistlardan kaarä, ödüllär verildi 5 teatru zaametçilerinä dä. O ödüllerin “Milli rejisörluk uurunda zaametleri için” ödülü verildi “Dionis TANASOGLU” gagauz Milli teatrusunun direktoruna, yaratmak öndercisinä hem aktöruna Mihail KONSTANTİNOVa. Ödülleri kabledennerin arasında vardı Ankara kukla “Teatru Tempo” teatrunun rejisöru hem aktöru Halük YÜCE da (bak: http://anasozu.com/6-ci-festivaldan-sora-7-ya-hazirlanmaa-baslamak/) Patretlär: turksoy.org/tr Источник anasozu.com

Haberci

286

08.11.2021

(Foto) Gagauz milli teatrusu Türkiyedä birkaç kasabasında gösterecek spektekli

D. Tanasoglu adına gagauz milli teatrusu Hederlez (may) ayın 17-dä gitti Türkiyeyä turunnan. 2 aftanın içindä oyuncular göstereceklär spektalilerini kasabaların birkaçında. Bundan başka teatru katılacek Konyada geçirlenän “Bin Nefes Bir Ses” 14-cü halklararası festivalinä. Turun sırasında Gagauz milli teatrusu şansora ilk gösteriyi yaptı. Hederlez ayın 18-dä oyuncular İstanbulda Türkan Saylan adına kultura merkezindä gösterdilär «Körlerin Dünnesi» spektaklisini. Gösterilär taa yapılacek Konyada Hederlez ayın 24-dä hem Mersindä hep bu ayın 30-da. Bununnan bilä, Gagauz milli teatrusu katılacek Konyada geçirlenän “Bin Nefes Bir Ses” 14-cü halklararası türkçe Tiatru Yapan devletlär festivalinä. O geçecek Hederlez ayın 20-dän 30-dan. Fotolar D. Tanasoglu adına gagauz…

BOT işçi

234

20.05.2022

Yorum yapabilmek için giriş yapmalısınız.