Komradın genç boksörları Moldova çempionatında 4 ödül kazandılar

Kirez ayın 13 – 17 – dän Orgeev kasabasında geçti Moldova boks çempionatı  13 – 14 yaşında üürenicilerin araralarında. Yarışmalarda pay aldı 14 sportçu Komrattakı uşak  sport okulundan. Nesoy çıkışlarlan döndülär geeri avtonomiyanın boksörları, üürendi Polina Barbova.

Dört günün içindä geçirildi gözäl yarışmalar çempion adını kazanmak için, hem da belli etmää Gagauziyayı Evropanın çempionatında, angısı geçecek avgust ayında Türkiya devletindä.

Komrat uşak sport okulundan çempionatta pay aldılar 14 böksör, dördü angılarından getirdilär iki altın hem da iki gümüş ödülleri, haberledi  boks  trenerı  Valeriy Sırbu.

 «Sergey  Zlatov kazandı ilk eri 57 kilada, İvan Arnaut kazandı ilk eri 60 kilada, Moldova  viţe – çempionu boksta 13 – 14 yaşında üürenicilerin araralaında ikinci eri kazandı Nikita Mutaf 63 kilada hem Moldova  viţe – çempionu boksta Lada Karina kazandı ikinci eri çekidä 44 kilayadan», — açıkladı trener.

Segey Zlatov zanaatlanȇr bokslan yakın dört yıl. Bu dil onun ilk altın medalisi.

 «Finala çiktım boksörlan Kişinövdan, hepsi raundları ensedim. Çok saa olsun trener bu ödül için. Kendim da islää hazırlandım», — annattı Segey Zlatov.

İkinci çempionda İvan Arnautta bu ilk altın ödül, 11 ayın içindä trenirovkalarından sora.

«Finala bän çiktım soperniklän  Kişinöv kasabasından, o da pek islää hazırlanmıştı çempionata. Çok saa ol tisteerim sölemää benim trenerimä Valeriy Georgieviça bu güreşmäk için hem ensemäk için», söledi İvan Arnaut.

Prizörlar Gagauziyadan  hazırlanȇrlar Evropanın çempionatına, angısı geçecek avgust ayında Türkiye devletindä.




Источник grt.md
300

İlgili statyalar

Ödüllerin üçünü dä kazandılar Komrattan genç boksörlar Moldova çempionatında

Belţı kasabasında  geçti Moldova boks çempionatı,  neredä  toplandılar  devletin en kaavi  sportçuları. Gagauziyayı tanıttırdılar sportçular üç dolaydan.  Ödülleri  getirdilär  regionun kumbarasına  Komrat kasabasının boksörları. Çadır hem Valkaneş sportçuları  kalkmadılar pyedistalın üüsek basamıına. Yakın 120 boksör-ünior dört günün içindä  götürdülär kızgın düüşleri hak için kalkmaa pyedistalın  üüsek basamaklarına da Moldovanın toplumunnan ceviz ayında güreşmää Evropa Çempionatın ödülleri için, yarışmak geçecek İtaliyada. Komandaların aralarında ilk eri kazandı  ringın çorbacıları Belţıı  toplumu, onnar kazandılar 12 ödül. İkinci erdä  bulunȇr Komrat  komandası. Sport liţeyın hem  uşak sport okulun  boksörları kazandılar 3 altın, 3 gümüş hem 3 bronz.  Nicä nışannadı  trener Şȇrali Turgunov,  çocuklar pay…

Gagauziyadan boksçu İliya ARGATU Moldova çempionu oldu

Kişinevun İlin atletika manejında geçti Moldovanın boksta çempionatı, neredä Gagauziyadan boksçu İliya ARGATU altın medaliyi kazandı. Moldovanın boksta çempionatında pay aldılar 14 komandadan 83 boksçu, angıları dört günün içindä, aralarında düüşüp, en isleylerini seçtirdilär. 57 kg aarlık kategoriyasında altın medaliyi kazanıp, en isleylerin arasına çıktı Gagauziyadan boksçu İliya ARGATU da. Bu çempionatta üst olan sportsmennar Moldovadan adından pay alaceklar Taşkentta (Özbekistan) olacek boksta dünnää çempionatında. Источник anasozu.com

Gagauziyadan şannı trener Pötr Kuru oldu Evropa çempionu dzüdo uurunda

Kirez (iyün) ayın ikisindän Greţıyada Krit adasında İraklion kasabasında geçer Evropa çempionatı dzüdo uurunda veterannarın aralarında. Yarışmaklarda pay aldı Moldova toplumunnan gagauz sportçusu, şannı trener Pötr Kuru, angısı kazandı Evropa çempionu titulunu. Gagauziyanın hem Moldovanın şannı trenerı dzüdo hem sambo uurunda Pötr Kuru pay aldı 100 kilalık kategoriyada. O geçirdi üç güreş, angılarını taradı. Üçüncü güreşi ilk er için ipon çalımınnan taradı konkurentını Almaniyadan. Karşıtlan taa ileri buluşmadı, onun için koydu bütün kuvedini, da kazandı çempion titulunu.  Yarışmaklarda pay aldılar sportçular 36 devlettän. “Yarışmaklar  geçtilär üüsek uurda, hepsi çempionnar güreştilär , geçirip üçär-dördär güreş, taradılar kendi konkurentlarını, da kazandılar ilk…

13 ödül kazandılar Komrattakı sport oklunun boksörları halklararası turnirindä

Boks uurunda halklararası turniri geçti Gagauziyada. 3 günün süresindä boksörlar türlü yaşta Moldovanın çoyu erlerindän güreştilär en ii boksör adını kazanmak için. 100 sportcudan zeedä Moldovanın 12 kasabasından kendi becermeklerini boks uurunda gösterdilär.  “Pay alıcılar pek kaavi. Moldovanın toplum takımından geldilär. Bizim turnir her yıl geçiriler”, — açıkladı baş daavacı Şerali Turgunov. Turnirdä pay aldılar türlü yaşlarda sportçular. Boks uurunda becermeklerini gösteräbildilär hem uşak başçası yaşında uşaklar, hem şkolacılar. Komradın sport şkolasını 4 sportçu temsil ettilär. Kirsovo küüyünü bu turnirdä  3 sportçu temsil etti. “Bizim sportçumuz ilk sıra çıktı güreşä. Biraz dalgalandı”, — söledi trener Georgiy Uzun. Pay alıcılar nışannadılar,…

Gagauziyadan genç sambo güreşçileri Moldova çempionnarı oldular

Kirez ayın 30-dan  orak ayın 2-dän  Kauşanı kasabasında  geçti  Moldova uniorların hem gençlerin aralarında sambo çempionatı.  Gagauziyayı tanıttılar  sportçular Komrattan, Çeşmäküüdän hem Kazayaktan. Sambocular getirdilär regionun kumbarasına beş altın ödül. Devletin uniorların hem gençlerin aralarında sambo çempionatında  Pötr Kurunun  terbiedilenneri  kazandılar üç  altın ödül. Devletin  çempionnarı oldular  Komrat  komandanın liderları, angıları diil bir yıl  kazanȇrlar bu titulu.  İki altın kazandı Darya Vlah , angısı  geçirdi  hepsi güreşleri üüsek uurda brakmayıp konkurentlara şansları taramaa. Aleksandr Nedu  hep ölä oldu devletin çempionu.  Geçirip  kızgın  güreşleri, braktı geerdä kendi konkurentlarını da türlü   çalımnarı yapıp  kalktı pyedistalın üüsek basamaana.  Trenerın Pötr Kurunun laflarına görä…