Dmitriy Konstantinov: devletin bücetini lääzım dooru pay etmää
«Общественный интерес» bitki programasından sora Gagauziyanın politikacılarında peydalandı bir sıra soruş devletin prezidentinä. Gagauziya Halk topluşu başı Dmitriy Konstantinov cuvap etti prezidentin kimi soruşlarına.
«Общественный интерес» programasında Moldovanın prezidenti Maya Sandu haberledi,ani Gagauziya 94-cü yılda kabledilmiş kanona göörä heryıl kableder para merkez bücettän,ama bakarak devletin başka dolaylarına akţızı hem NDS ödämeer.
MAYA SANDU Moldovanın Prezidenti :- «Devletin öbür dolayları ödeerlär. Gagauziya ödämeer , ama bücet kableder. Çıkȇr,ani avtonomiya kableder para başka dolayların vergileri ödeyän insannarın hatırınnan. Bölä yazılıydı 1994-cü yılın kanonunda. Ama yok nicä sölemää , ani Gagauziyada taa çok problemaa, nekadar başka dolaylarda».
Gagauziya Halk topluşu başı Dmitriy Konstantinov cuvap etti Maya Sandun laflarına. Kanon kurucusu nışannadı,ani Gagauziya yakışȇr pay alsın merkez bücetin kurulmasında hem pay edilmesindä.
DMİTRİY KONSTANTİNOV GHT başı:- » Biz isteeriz göörmää ,angı kriteriyala göörä paralar pay edilerlär Biz hepsi verfileri yok nicä Gagauziyada toplıyalım, deyni Gagauziyanın kurumnarın taa çoyu kendi vergilerini başka dolaylarda yada Kişinövda öderlär.Biz baarmȇrız,ani vergilär etişmeer bizä. Bizdä yok vama. Devlettä o var. Onun hatırınnan 70% vergi devlet bücetini kurȇr».
Dmitriy Konstantinov çizgiledi,ani başka devletlät savaşȇrlar kendi bücetini bir erä toplamaa, Moldovada taa bu yok. Bundan kaarä avtonomiyanın kuvetleri isteerlär pay almaa halklar arası keritlerin pay edilmesindä da.
DMİTRİY KONSTANTİNOV GHT başı: -» Bizdä yok kolaylık pay almaa halklar arası kreditlerin pay edilmesindä,ama nicä da devletin başka dolayları ödeeriz onnarı.Biz avtonomiya için lafederiz. İsteeriz bizä versinnär bücet nekadar lääzım, gücendirmesinnär bizi devlet bücetini pay edärkänä».
Nicä sayȇr GHT başı Dmitriy Konstantinov Gagauziya lääzım Moldovanın fondtlarından 5% kabletsin. Kabledilmiş paralarıda kuvetläär lääzım kendi bakışına göörä harcasınnar.
Источник grt.md
