Moldovanın kandidat statusu Evropa Birliinä girmesi için insannar ne düşünerlär

Kirez ayın 23-dä Evropa soveti sesini verdi ki Moldova kandidat statusunu Evropa birliinä kabletsin. Sevinerlär mi buna insannar, ya da diil kayıl bu takım kararlan, biz üürendik yaşayannardan.

Evropa birliinä girmäk proţedurası var nasıl çok yıl sürtsün. Bunun için hem erli ekspertlär sölerlär, hem başka devletlerin örnää dä gösterer.

KORNELİU ÇURÄ, politolog: «Bän skeptik olarak bakȇrım Moldovanın girmesi için Evropa birliinä. Moldova da diil hazır, Evropa birliindä dä pek büük isteyiş buna yok. Onuştan bizä kandidat statusu verildi türlü koşullarlan, angılarına zoor uymaa ya da hiç yok nasıl».

Moldova devletin kabledilmesi için kandidat statusunu «İnterviu nedeli» programasıdä GRT kanalında GHT başı Dmitriy Konstantinov da söledi.

DMİTRİY KONSTANTİNOV, GHT başı: «Büün erken bu iş için lafetmää. Proţedura bakılmadı.Kandidat olmaa deyni danışmanın yazılması için lääzımdı avtonomiyanın fikirini da almaa. Ama bunu yapmadılar. Bän söledim prezidentä ki bu yanış. O biler bunu. Turţiya, deylim, 25 yıl kandidat, ama bişey diişmer».

Kandidat statusun kabledilmesindän sora Moldovanın evropa yolu diişilsin olmaz. Sevinerlär mi buna regionun yaşayannarı?

«Bizdä bir yol. Pak Rusiyaya lääzım girmää».

«İstäämerım».

«İstäämeriz biz Evropaya, zerä bizdä ölä dä hepsi eder nicä Evropada. Ay kazanç parası ölä dä kalmış aaz».

«Neçin hepsi Evropaya gederlär?Zerä orda islää ,orada var nicä para kazanmaa.Orada var nicä pek islää yaşamaa».

«Bakınız, ne yaptilar Bolgariyadan hem Rumınıyadan? Fukaarelik».

«Bän beenerim Russiyayi. Bän isterim, ani olsun islää bana hem da benim halka».

Bitki devlet, angısı Evropa birliinä girdi –Horvatiya. Danışmak buna deyni 2003 yılda yazdıydı. Bir yıldan sora kandidat statusunu kabletti. Ama sade 2013 yılda Evropa birliin azası oldu. Nesoy sţenariy Moldovayi bekleer vakıt gösterecek.

Prevyu Moldova.org




Источник grt.md
307

İlgili statyalar

Moldovada Evropa Birliinä kandidat statusu

Kirez ayın (iyün) 23-dä Evropa Birliinä girän devletlerin liderleri kaldırdılar ellerini, ani Moldova Respublikasına Evropa Birliinä girmää deyni kandidat statusu vermää. Moldovaylan bilä hep o günü bölä bir statusluk verdilär Ukraynaya da. Sırada Gruziya devleti da vardı, ama, ona bu kısmeti, neçin sä, vermedilär. Şindi, Evropa Birliinä aza olmaa deyni, Moldova lääzım yapsın bir tepä iş, angılarını ondan ona söleyecek yapsın Evropa Birlii. Источник anasozu.com

Komrat universitetin studentlerinä annattılar Evropa Birliin bir payı olmak nedir

Moldovada Halklararası respublika institudu ofisin başı Kşiştof Lisek buluştu Komrat devlet universitetin studentlerinnän. O annattı gençlerä Evropa Birliinä integraţiyasının faydası için. Moldovada Halklararası respublika institudu ofisin başı Kşiştof Lisek studentlerä annattı lekţiyasını temaya: “Evropaya integraţiya: Evropa Birliin azası olmak nedir”. Kşiştof Lisek lafedärdi englez dilindä dä studentlär onu annardılar. Musaafir annattı, angı faydaları hem garantiyaları verer Evropa Birlii ona girän devletlerä. Lekţiya bittiynän studenlär kendi soruşlarını sordular. Studentlerin biri sordu, ne faydayı kazanȇr Evropa Birlii Moldovaya hem Gagauziyaya ilerlemäk için para verärkana. «Evropa Birlii bezbelli umutlanȇr, ani Moldova onun bir payi olacek. Evropa Birliin politikası butakım kurulu – yardım etmää…

Açan kendi kararına tükürerlär: kış vakıdına genä geçeriz

2020-ci yılda  Baba Marta ayın 26-da Evropa Parlamentın deputatları 410 oylan (192 – karşı, 51 – ikiliktä) karar aldılar, ani Evropa Birliinä girän devletlerdä yaz hem kış vakıdına geçmektän vazgeçmää. Ama şindiyädän bunu yapmadılar. Diil lääzımdı büük falcı olmaa, ani annammaa, ki bu iş bu yıl da olmayacek. Moldova Respublikasının öndercileri dä, Evropa Birliinä girmää savaştıkları için, hep bölä bir karara varaceydı, ama varmadılar. Bu üzerä dä bu yıl, Canavar ayın (oktäbri) ayın 29-30 gecesindä, kış vakıdına geçip, saatları genä bir saat geeri alaceklar. Источник anasozu.com

Gagauziyada canavar ayın 2-ndä geçecek hepsi GHT deputatların oturuşu

Gagauziyada canavar ayın 2-ndä geçecek hepsi GHT deputatların oturuşu.Bunun için haberledi GHT başı Dmitriy Konstantinov. O nışannadı, ani deputatlar lääzım açıklasınnar politika hem soţial ekonomika soruşlarını. Lääzım annamaa, nicä avtonomiya lääzım ilerlesin. Bunun için lääzım geçirmää hepsi GHT deputatların oturuşunu, haberledi halk topluşun başı Dmitriy Konstantinov. Gagauziyada var çok problema, angılarını lääzım çözmää, çizgiledi Dmitriy Konstantinov. İdeyayı geçirmää hepsi GHT deputatların oturuşunu tutturdu halk topluşun başın politika soruşlarında nasaatçısı İvan Burgucı.  İVAN BURGUCI Halk topluşun başın politika soruşlarında nasaatçısı: — “Bu pek önemli. Biz lääzım gösterelim hepsi insannara, ani birleştik. Lääzım açıklamaa ne düşüneriz bizim haklarımız için. Moldova diil hepsini…

Moldova Prezidentı Maya SANDU sayêr Gagauziyanın hepsi insannarını “5-ci kolona”

Moldovanın gagauzlar cümnesinin başı Nikolay TERZİ açıkladı, ani üç yılın içindä memleketin milli cümnelerin başlarınınnan hem temsilcilerinnän ikinci buluşmasında Moldova Prezidentı Maya SANDU bildirdi, ani sayêr Gagauziyanın hepsi insannarını “5-ci kolona”. Buluşmada Prezident Maya SANDU kısadan söledi büünkü durumu, urgulayıp, ani Evropa yolunda lääzım cümneyi birleştirmää. Nikolay TERZİ açıkladı, ani buluşmada savaşıldı annatılmaa Prezidenta, ani Moldovada, titul națiyadan kaarä, taa 30%  başka națiyalardan insannar var da onnar da lääzım respublikanın öndercilliindä bulunsunnar, zerä büünkü duruma görä “Nasıl var nicä Evropay gitmää? Çünkü orada başka türlü”. Moldovanın gagauzlar cümnesinin başı Nikolay TERZİ söleer, ani, açan o savaşmış “buyur etmää Merkezlän Gagauziya…