Maya Sandu deputatlarlan buluştu
KDU-dän sora MD prezidenti buluştu GHT deputatlarınnan da. Ne iş için laf gitti buluşmakta bizim sıradakı süjetimizdä.
Açıklayarak kendi umudunu ikitaraflı başarılı işbirliin gerçeklenmesinä, MD prezidentinä danıltı gagauziyanın başkan İrina Vlah.
İRİNA VLAH Gagauziyanın Başkanı: — “Bän bilerim, ani bizi dalgalandırȇrlar birtürlü problemalar. Bizim baş daavamız açıklamaa onnarı. Ki bizim yaşayannarımız kendilerini islää duysunnar da devletimizdän kaçmaa istämesinnär, ama burada kendi geleceklerini görsünnär. İsteeriz, ani bizim uşaklarımız serbest devlet, gagau hem rus dillerindä lafetsinnär. Bunun için biz lääzım taa sık buluşalım hem hepsi bu problemaları açıklayalım. Umutlanȇrım ani bu iş olacȇk”.
GHT başı Dmitriy Konstantinov nışannadı, ani Gagauziyanın yaşayannarını pek dalgalandırȇr soruş, angısı baalı Avtonomiyanın hem devletin ilişkilerininnän.
DMİTRİY KONSTANTİNOV GHT başı: — “Benim neetimdi, ani prezident gelsin gagauziyaya hem kendisi cupav soruşlara versin”
GEORGİY LEYÇU GHT başın yardımcısı:- “Bizä deyni önemliydi işitmää cuvap gazın paası için”.
GRİGORİY DÜLGER GHT deputatı: — “İsteeriz, ani devlet kuvetleri düşünsünnär nesoy kışlayaceklar yaşayannar”.
VİKTOR PETROV GHT deputatı: — “Hazır mı büün MD kalmaa gazsız”.
Devlet başı nışannadı, usluluun hem birliin korunması büün bulunȇr ön planda. Maya Sandu nışannadı, ani devletin yaşayannarı bu kışın da kabledeceklär yardım hukumet uurundan.
MAYA SANDU MD Prezidenti: — “Bu yıl bücetimizdä var 5 mld ley yardım için kış zamanında”.
Devlet başı ilişti gagauz dili korunması hem ilerlemesi problemasına da.
MAYA SANDU MD Prezidenti: — “Biz lääzım oturupta lafedelim gagauz dilini korumak kolaylıkları içın, çünkü o, şansora bulunȇr kaybelän dillär arasında”.
Bakılmak için maya Sandu belli etti başka önemli temaları da. Onnarın arasında korupţiyaya karşı koymak, klimat diyşilmekleri, devletin ekonomika ilerlemesi hem investiţiyaları çekmäk. Bu temaların açıklanması vakıdında jurnalıstleri yalvardılar salondan çıkmaa.
Источник grt.md 02.09.2022