Dmitriy Ayoglunun sergisi yıldönümünä baalı açıldı
Komrat türk bibliotekasında açıldı sergi, angısı baalı resimcinin Dmitriy Ayoglunun 65-ci yıldönümünnän. Bizim çekim grupamız bulundu ekspoziţiyada.
Sergidä, angısı resimcinin Dmitriy Ayoglunun 65-ci yıldönümünä baalı , 20 resim gösterili. Pek çok yıl resimci onnarı yazȇr grafika hem yalı boyalarlan.
DMİTRİY AYOGLU Gagauziya resimcilerin milli birliin azası : — « İsteerim benim yaratıcılıımı annasınnar pek çok insan,diil sade Gagauziyada.Bizdä biraz taa aaz annȇȇrlar.Başka publika-başka insannar.»
Patriotik duyguları var nicä Dmitriy Ayoglunun resimnerindä görmää.Onun kollegaları hem serginin musaafirleri bunu duydular.
SEMÖN BABARAYKA çekanka ustası : — «O bütün yaşamasını yazdı resimneri,bir vakıt grafika janrasında,bir vakıt yalı boyalarlan .Pek meraklı bir adam».
TODUR MARİNOGLO yazıcı : — «Bu tabloda bän görerim hem yabanıyı hem da gözäl bir karıyı.Bän burada görerim halkın filosofiya hem temelli istoriyasını».
İNAN MİLEV yazıcı : — «Bu peyzajlar naturadan yazılı,bän bunu duyȇrım.Var biraz fantaziyadan da resimnär».
Dmitriy Ayoglunun sergisinnän ceviz ayının 13-dän Komrat türk bibliotekasında var nicä tanışmaa.
Источник grt.md
