Dinnenmäk yaşta bulunan insannara deyni
Kıpçak küüyün primariyası küüyün yaşta bulunan insannarın sovedınnän barabar, küüyün pensionerlarına yaptılar Sokol lagerindä dinnenmäk smenasını. Onnarda var kolaylık ii dinnenmä, kuvetlenmä. Temayı ilerleder, bizim korrespondentimiz.
Sokol lagerindä dinnenärkänä, ihtär insannar pay aldılar meraklı programmada onnarın yaşlarına görä. Yapıldı yarışmak, viktorina , her avşam geçärdi diskoteka, neradä ötardi ilerki türkülär . Ihtär insannar sevinerlär, ani onnarı unutmȇrlar , yardım ederlär onnara.
— «Pek islä, şükür Allaha, ani bän burayı düştüm , lääzımdı başka yıllarda geliim. Pek islä doyurerlar bizi, saa olsun hepsi kim yardım etti bu işi yapmaa, Allaa versin hepsinä saalık».
— «Bölä bir kolaylık yapêrlar bu insannara , ki onnar dinnensinnär, kaavileşsinnär, büük faydalık onnara deyni. Hepsinä dileerim saalık».
— «Bän seftä geldim açılışta , ozaman isläydi. Şindi da islä, vakıda görä şindi da islä, bitkisiz şükür Allaha . Doyurerlar islä, imekleri tatlı yapêrlar».
Kıpçak küüyün sovetnii Georgiy Gaydarjı nışannadı, ani 6 yıl nicä bu adet küüyüdä ilerleer. Her yıl ihtär insannar büük havezlän gelerlär dinnenmää. Onnarda var kolaylık dinnenmää birkaç gün uygunnukta hem şenniktä kendi kafadarlarınnan.
GEORGİY GAYDACI Kıpçak küüyün sovetnii : — «6-yıl oldu nicä ihtär insannarın sovedi barabar primariyanın yaardımınnan ihtär insannarı lagerdä toplȇȇr birkaç günä , ki onnar dinnensinnär. Getireriz aklımıza küçüklüümüzü, okul vakıtlarını. Sanêêrım, ani bu iş bizdä kaybelmeyecek o bizdä var».
Hepsi ihtiar insannar, kendi kuvedini koydular, ki onnarın vatanı , duuma tarafı ilerlesin. Bizim boorcumuz ,yardım etmä onnara, destek olmaa
Источник grt.md
