UŞAK MEYDANNARI DÜZÜLECEK
Komrat muniţipiyanın sport hem uşak meydannarı dzüleceklär. Kararı kabletti naasatçılar kendi oturuşunda. Bu neetlerä kasabanın büdjedından 800 bin leydän zeedä verilecek. Derindän süjetta bakın.
Türlü önemni soruşların arasından naasatçılar baktılar soruşu baalı uşak meydannarında düzmäk işlerinnän. Nasaatçı Svetlana Georgieva danıştı kollegalarına bakmaa soruşu Dnestrovskaya sokaanda uşak meydanın düzmesi için, neçin ki o bulunȇr pek kötü halda.
SVETLANA GEORGİEVA Komrat mun. nasaatın temsilcisi:
“Bulunmaa bu uşak meydanında pek korkunçlu uşaklara deyni. Şindi dinnenmäk günneri onnarda. Bakın ne orada olȇr. Herersi kırıklık hem oymaklar. Diil çoktan bir uşak may yaralanmadı fidan parçasından. Meydan taa 2015 yıldan yapılı. Bu vakıdın içindä sade kendimiz onu düzärdik. Sergey İlyiç çok sıra sizä danıştım bu problemaylan, osa beklersiniz açan bir kimsey yaralanacek orada”.
Nasaatçılar Svetlana Georgievanın iniţiativasını tutturdular. Çoyu onnardan sayȇr ki uşak meydannarını düzmää lääzım.
SERGEY ÇİMPOEŞ Komrat mun. nasaatın temsilcisi:
“3 aftadan sora kanikullar uşaklarda başlȇȇr. Düşünersiniz mi , ne orada olacek”.
Nasaatçı Sergey Külaflı nışannadı, ani düzmäk işlerin geçirilmesi için nereyi girecek sport hem uşak meydannarı, yollar hem trotuarlar, en ilk lääzım bücetta bunu bellietmää. Bu kararı ilkin bücet komisiyası sora da nasaat kabletsin.
SERGEY KÜLAFLI Komrat mun. nasaatın temsilcisi:
Yapacez ölä ki Sergey İlyiç kısa vakıtta oturuşu geçirsin da detalizaţiya bücetta yapsın neredä biz bararbar nasaatçılarlan kabledecez onu. Orayı hem yolların hem uşak meydannarın düzmesi girecek.
SERGEY ANASTASOV Komrat muniţipiyanın primarı:
“Da nereyi siz hiç gelmeyeceniz. 15-dä hepsi detalizaţiya vardı, ama siz gelmediniz oturuşa, bunda da primar kabaatlı. Bendä şindi dä bu dokumentlär var”.
Primar Sergey Anastasov açıkladı kendi bakışını, neçin bu uşak meydannarı taa ileri düzülämedilär. Sebep buna primariyanın borçları.
SERGEY ANASTASOV Komrat muniţipiyanın primarı:
“15-dän biz primariyanın borçlarını kapardık. Şindi biz onnarı may hepsini kapadık, kaldı sade borç dambanın düzülmesi için. 15-dän bän dokumentleri hazırladım yollar da için meydannar için dä, ama siz toplanmadınız oturuşa. Bän sizä hepsi sayıları verecäm da diil lääzım boşuna şamata kaldırmaa”.
Bitkidä naasatçılar verdilär seslerini doorutmaa 50 bin ley Dnestrovskaya sokaanda uşak meydanın düzmesinä. Bundan kaarä kontrol etmää kasabanın 40 zeedä sport hem uşak meydannarın durumunu, da neredä lääzım yapmaa remont. Bu işlerä bu yılın bücedında 800 bin leydan zeedä verilecek.
Источник grt.md
