Moldovanın üülen tarafından poliţıya uzmannarı yarıştılar voleybol turnirindä
Komratta “Univer” hem gençlık hem sport bakanıın sport zalalarında geçtilär voleybol yarışmakları Moldovanın üülen tarafından poliţıya uzmannarın aralarında. Turnırın taraycıları oldular Komrat voleybolcuları, ikinci erdä Çadır komandası, üçüncü oldular Tarakliyadan sportçular.
İki sport zalasında geçtilär yarışmaklar voleybolda devletin ülen tarafının altı komandaların aralarında. Parkettä kendi becermeklerini gösterdilär poliţiya uzmannarı. Kızgın oyunnarın süresindä komandalar kazanardılar puannarı ki çıkmaa finala. Ama finala çıktılar nicä da başka yıllar iki lider: Komrat hem Taraklı komandaları. Oyuncuların laflarına görä yarışmaklar geçtilär kaavi, konkurenţıya da kalmaardı aşaa ofiţial oyunnardan.
MARTİN KARAMAN, Valkaneş Poliţiya inspektoratın başı: “Oyun büün geçti meraklı, büün bizdä konkurenttılar Komrat hem Kantemir komandaları. Kantemırın voleybolcularını biz taradık, ama Komrada tarattık”.
VLADİMİR ÇAKİR, Taraklı Poliţiya inspektoratın başın yardımcısı: “Voleybol yarışmaklarında bän pay alȇrım çok yıl, bän 20 yıl işlerim bu uurda. Bu yıl hep ölä ayırıldık iki grupaya, biri Çadır, Kaul hem biz, öbürü Kantemir, Valkaneş hem Komrat. Bizim grupada taradık ilk eri, tarayıp Kaulu hem Çadırı”.
Yarışmklar türlü sport çeşitlerindä geçerlär her yıl poliţiya uzmannarına deyni. Voleybolda belli etmää deyni en kaavileri toplandı üülen tarafının 6 dolayı.
SNEJANA TUKAN, Poliţiya bakannıın presa izmetin ofiţȇrı: “Büün pay alȇr üg zonası angısına girer altı komanda, Komrat, Valkaneş, Çadır, Taraklıya, Kantemir hem Kaul. Taraycının bu yarışmaklarda olacek hakı tanıttırmaa üülen tarafını Moldova uurunda Yarışmaklar geçeceklär Kişinövda İç işlerin ministerliindä”.
Oyuncuların laflarına görä bölä oluşlar diil sade birleştirerlär insannarı bir zanaatta, ama yardım ederlär götürmää saalıklı yaşamayı.
“ Nekadar taa sık geçireceklär bu yarışmakları, nekadar taa sık biz buluşacez, tanışacez, birliktä işleecez, nicä diil bir keret söledilär sport birleştirer, sport bu yaşamak”.
“Sport pek faydalı, birleştirer kolektivları, büün komratta buluştu 6 komanda. Biri — birimizlän tanışȇrız. Taa ileri işleyecez birerdä, Kantemir, Komrat taa sıkı çalışacez bilärkana biri-birimizi”.
Turnirın taraycıları kablettilär kubok, diplom hem ödül.
Источник grt.md 19.08.2022