Merkez seçim komisiyasının bücetı iisildi
Gagauziya bücetında 2022 yılına avtonomiyanın Bakannık komiteti belli etti 1 million 334 dört bin ley Merkez Seçim komisiyasına. Ama Halk topluşun deputatları braktılar onun işinä 900 bin ley. Onnar nışannȇȇrlar, ani harçları lääzım iisiltmää. GHT viţe-spikeri Aleksandr Tarnavskiy açıkladı başka bakışı GRT kanalında “Обсуждаем вместе” programasında.
Merkez Seçim komisiyasının harçlarını deputatlar azalttılar 60 proţendä. Bunu haberledi GHT başın yardımcısı Aleksandr Tarnavskiy. Bölä kararı deputatlar kablettilär, açan bakardılar 2022 yılına bücetını. Bu sebepä görä Merkez Seçim komisiyasının çalışannarın çoyu kazanç parasız kaldılar, nışannadı viţe-spiker Aleksandr Tarnavskiy.
ALEKSANDR TARNAVSKİY GHT viţe-spikerı : — «Biz yannış yaptık Merkez Seçim komisiyasının bucetindä, bu diil benim kararım, am bän cuvap ederim finans soruşları için. Bu üzerä lääzımdı kontrol edim bu sayıları. Biz azalttık Bakannık komitetin harçlarını 20 proţendä, Merkez Seçim komisiyasının harçlarını da 60 proţendä. İnsannar kär kazanç parasız kaldılar».
GHT deputatı Leonid Kiosä nışannadı, ani Halk topluşu diil dooru bu kararı kabletti.
LEONİD KİOSÄ GHT deputatı : — «Biz iisilttik Merkez Seçim komisiyasının bücetını hem braktık insannarı parasız».
Aleksandr Tarnavskiy nışannadı, ani MSK finanslamak soruşuna deputatlar taa döneceklär sıradakı oturuşta.
ALEKSANDR TARNAVSKİY GHT viţe-spikerı : — «Şindi Bakannık Komiteti teklif etti yapmaa diişilmekleri bücetä da biz bu diişilmekleri orada belli ettik. MSK azalttı kendi bücetını yakın 20 proţendä. Biz bu sayılan kayılız da onnarlan barabar bu durumu dooruttuk. Ne bän isteerim seleyim, biz da var nicä yannış yapalım, nicä dä hepsi insannar».
GHT deputatları çizgiledilär, ani MSK bücetını lääzımdı biraz iisiltmää, çünkü bu yıl seçimnär avtonomiyada geçmeyeceklär.
Источник grt.md
