KARIKATURA – Kim kabaatlı
İlgili statyalar
Demokratiya işleri: TRAMPı tutuklayıp kolverdilär
Amerika Birleşik Devletlerindän (ABD) biri-biri ardı geldi iki haber – ilktän, ani ABDnın 2017-2021 yıllarında 45-ci prezidentı olan Donald TRAMP (Donald John Trump) sudta tutuklandı, ikincisi dä – iki saattan sora da serbest brakıldı. Sud savaşêr Donald John TRUMPı kabaatlı bulmaa onda, ani bir pornoaktrisayalan ödeşmäk için kendisinin Trump Organization kompaniyasında finans dokumentlarına karıştırma yapmış. Bildiriler, ani Canabisinä 34 uurda kabaat atılêr, ama Donald TRAMP onnarlan kayıl diil hem kendisini kabaatlı bulmêêr. Источник anasozu.com
Moldovada deputatlardan imunitetı almak için Parlamentin kayıllıı diil lääzım olacek
Devleti önetän PAS partiyasının kanon proektinä görä, deputatlardan yakışacek alınsın imunitet, eer onnarı kabaatlı bularsaydılar korupţiya hem başka kanona karşı gitmäk proţeslerindä. İlk okumakta bu kanon proekti için büün çoyu deputatlar seslerini verdilär. Bu kanon proektindä laf gider Moldova Konstituţiyasının 70-ci statyasında diişilmeklär için, angıları baalı deputatların imunitetinnän. Bu imunitet yakışacek çıkarılsın, eer deputatları kabaatlı bularsaydılar korupţiya hem başka kanona karşı gitmäk proţeslerindä. Kanona görä bölä işlär belli olduynan, Parlamentin kayıllıı, deputatı yakalamak, daavaya çekmäk hem onun varlıını araştırmak için lääzım olmayacek. “Eer daava bulup, inandırarsaydı, sade ozaman var nicä söleyelim, ani insan kabaatlı. Bän annamȇȇrım neçin biz vereriz kolaylık…
