Gagauz Respublikası 31-ci yıldönümü

Gagauz Respublikası 31-ci yıldönümü

Büün, Harman ayın (avgust) 19-da, bakılêr Gagauz Respublikasının kurulmasının 31-ci yıldönümü.  Bu Respublikayı 1990-cı yılın Harman ayın (avgust) 19-da Gagauz Halkın Üstolan Kongresindä baamsız Gagauz Respublikası kuruldu hem onun kurulmasını dünneyä bildirildi. Bu oldu bir yıl ileri Moldova Respublikası baamsızlıını kazanmasından.

Gagauz Respublikasını kurarkana gagauz halkı hepsi halklararası zakonnara uydu hem işi adım adım yaptı. İlrin küü toplantırlarını yaptı hem Kongresa deputatları ayırdı. Sora Gagauz Respublikasının milli

1990-cı yılın Orak ayın (iyül) 22-dä 411 oylan Gagauz Milli Gimnasını (laflar – Todur ZANET, muzıka – Mihail KOLSA), Gagauz Milli Bayraanı hem Gerbı kablettilär, sora da Harman ayın (avgust) 19-da Karar aldı Karar baamsız Gagauz Respublikayı kurmaa.

Hep o halklararası zakonnara uyarak Canavar ayında Gagauz Respublikasının Üüsek Sovetinin deputatlarının seçti. Gagauz Respublikasının ilk hem tek prezidentı Stepan TOPAL ayırıldı. Üüsek Sovetin predsedateli da Mihail KENDİGELÄN koyuldu.

GAGAUZ MİLLİ GİMNASI

Geldi vakıt – bayraa kaldır, Dalgalatsın lüzgär onu. Kavalları keskin çaldır, Duuêr Halkın aydın günü!

Refren: İnsana lääzım Vatan, Halkına kalsın damar, Kanında dedä sesi Uzaktan evä çeksin. Bucak’ta dannar açık – Şannı olsun kardaşlık*.

Zaman kanatları döner Kıyıp kara bulutları. Yaşamaya kuvet verer Ana topraan çöşmeleri.

Refren: İnsana lääzım Vatan, Halkına kalsın damar, Kanında dedä sesi Uzaktan evä çeksin. Bucak’ta dannar açık – Şannı olsun kardaşlık.

* Gimnanın birinci variantında Refren bola bitärdi: Bucak’ta açık dannar – Kalkındı gagauzlar. Ama zalda vardı başka milletli insannar da, ani Gagauz Respublikasını kurmak için delegat ayırılmıştılar, onuştan internaţionalizma sebepinnän bu iki sıra kabledilmedi.

Gagauz Respublikası 31-ci yıldönümü




Источник anasozu.com
337

İlgili statyalar

28 yıl geeri satılan Gagauz Respublikasının 32-ci yılı

Büün, 1990-cı yılın Harman ayın (avgust) 19-da Gagauz Halkın Üstolan Kongresindä kurulan hem 1994-cü yılda başta bulunan eriflerin tarafından satılan baamsız Gagauz Respublikasının 32-ci yıldänümü bakılêr. Lääzım urgulamaa, ani gagauzlar baamsız Gagauz Respublikasını kurdular halklararası zakonnara görä ozaman, açan Moldova Respublikasının kendi baamsızlıını kazanmasına taa bir yıl vardı. Ozaman, 1990-cı yılın Harman ayın (avgust) 19-da Gagauz Halkın Üstolan Kongresinä ayırılan 450 deputat bir korkusuz bu baamsız Gagauz Respublikasını kurulmaa karar aldılar da Gagauz Respublikasının kurulmasını dünneyä bildirildilär. O Kongresinä ayırılan deputatlar ilktän 1990-cı yılın Orak ayın (iyül) 22-dä 411 oylan Gagauz Milli Gimnasını (laflar – Todur ZANET, muzıka – Mihail…

Gagauz respublikanın kuvet strukturaları azaların buluşması

Gagauz respublikanın kuvet strukturaları azalarını Komrat kasabasında ödülledilär. Taa derindän A.Terzi. 1990-cı yılın harman ayın 19-da kurulan Gagauz Respublikasında  kuvet strukturaları  kurulduydular. Onnar karşı koydular volontör grupalarına.Gagauz Respublikasının aktivistlerin arasında karılar da vardılar. İvanna Tarleva bugalter işläärdi hem genç çocuklara yardım edärdi. İVANNA TARLEVA  Gagauz Respublikasının kuvet strukturaları veteranı (1990-1995y.y.) : — “Zordu, ama biz herzaman savaşardık yardım etmää çocuklara”. Bakmayarak ona, ani gagauz Respublikası sade 4 yıl vardı, onun kurulmasında gösterilän birlik örnek oldu bütün dünnedä.Gagauz Respublikan kuvet strukturaları arasında bulunardılar  “Bucak” batalyonu, Gagauz Respublikan iç işleri bakannıı, Gagauz Respublikan informaţiya hem politika prognozu kurumu hem Gagauz Respublikan koruntu…

Gagauz Respublikasının erinä Gagauziya Başkanı Romıniyayı ayırdı

2021-ci yılın Harman ayın (avgust) 19-da gagauzlar Gagauz Respublikasının kurulmasının 31-ci yıldönümü kutladılar, ama kutlamalara Gagauziya Başkanı İrina VLAH katılmadı. Respublikamızın yortusunu kutlamak erinä Canabisi o günü Romıniyaya gitti. Hem diil yalnız, ama kendisinin sol (osa saa mı?) elinnän hem Bemol Retail kuruluşun Direktorlar Sovetinin başınnan Kiril GABURİÇlän. Gagauziyanın ofițial yortular kalendarindä Harman ayın (avgust) 19-zu – hem Gagauz Respublikasının hem da halkın birleşmäk günü. Nesoy birleşmä için laf var nicä gitsin, açan gagauz halkınnan birliktä olmasına hem birleşmesi erinä o gündä Gagauziya Başkanı Romıniyaya ayırdı. Bileriz, ani kan su olmaz! Herbir halkın kendi kanı var. Gagauziya Başkanının da. Gagauz…

1994-cü yılda hayınnıın meevası 2022-ci yılın Harman ayın (avgust) 19-da taa bir hayınnaa getirdi

1990-cı yılın Harman ayın (avgust) 19-da, Kişinevdan hiç birinä sormadaan, Gagauz Halkın Üstolan Kongresi kurdu Gagauz Respublikasını hem 4 yıl onu korudu. Ama 1994-cü yılda Gagauz Respublikasının başında bulunan Stepan TOPAL hem Mihail KENDİGELÄN, tükürüp Kongresin Kararlarına, o Respublikayı sattılar da, dilenciyä verilän bir ekmek kurusu gibi, Kişinev kuvetlerinin bizä bir avtonomiya esabı atılan kuru ekmek kenarını kemirmää başladılar. Açan sän kendinä saabi diilsin da yaşêêrsın onunnan, ne sana “saabilär” atêr, hazır ol, ani herbir kıpımda saabilär o atılan işleri, bir umursuz, geeri almaa saabidir. Te şindi bu geeri almanın eşinää geldik. O geeri almanın hazırlanması çoktan, taa 1994-cü yıldan…

Tipardan çıktı “Ana Sözü” gazetasının 2021-ci yılın Harman ayın (avgust) nomerı

Harman ayın (avgust) 28-dä tipardan çıktı “Ana Sözü” gazetasının 2021-ci Harman ayın (avgust) nomerı. Nomerdä tiparlanan materiallar: “Gagauz Respublikasının 31-ci yıldönümü bakıldı”, “Moldova Respublikası baamsızlıının 30-cu yıldönümünü kutladı”, “Ana dilimizi başka dillerä kurban etmeyelim!!!”, “Gagauziyayı temeldän sökerlär – Gagauziyanın garantı kırları gezer”, “Bir gagauza hem bütün Gagauziyaya karşı bir zakon”, “Tren gittiynän Gagauziyanın garantı Gagauziya Başkanı eşinmää başladı”, “Gagauz Respublikasının erinä Gagauziya Başkanı Romıniyada kefinä baktı”, “Halk Topluşu en küçük çana yavaşıcık urdu. Gagauziya Başkanı bunu da yapmadı”, “Son hazırlanmış, ama dünneyä etişmeyän 2002-ci yılın “Kırlangaç” jurnalın nomeri”, “İlya FİLEV 65 yaşında”, “Elena KILÇIK: “Pek kısmetliyim, ani Olimpiada Oyunnarına katıldım!””…