Gagauz respublikanın kuvet strukturaları azaların buluşması
Gagauz respublikanın kuvet strukturaları azalarını Komrat kasabasında ödülledilär. Taa derindän A.Terzi.
1990-cı yılın harman ayın 19-da kurulan Gagauz Respublikasında kuvet strukturaları kurulduydular. Onnar karşı koydular volontör grupalarına.Gagauz Respublikasının aktivistlerin arasında karılar da vardılar. İvanna Tarleva bugalter işläärdi hem genç çocuklara yardım edärdi.
İVANNA TARLEVA Gagauz Respublikasının kuvet strukturaları veteranı (1990-1995y.y.) : — “Zordu, ama biz herzaman savaşardık yardım etmää çocuklara”.
Bakmayarak ona, ani gagauz Respublikası sade 4 yıl vardı, onun kurulmasında gösterilän birlik örnek oldu bütün dünnedä.Gagauz Respublikan kuvet strukturaları arasında bulunardılar “Bucak” batalyonu, Gagauz Respublikan iç işleri bakannıı, Gagauz Respublikan informaţiya hem politika prognozu kurumu hem Gagauz Respublikan koruntu kurumu. Nikolay Kara annadȇr, ani onnar ozaman koruyardılar Komradın en önemli obyektlerini dä.
NİKOLAY KARA Gagauz Respublikasının kuvet strukturaları veteranı (1990-1995y.y.) :- “Bucak batalyonun baş rolü, nıcä yazardı sora Kostaş, büük eri kaaplardılar. O yazardı, ani eer olmaydı ozaman Bucak batalyonu, olmayaceydı gagauz respublikası da”.
Dmitriy Vlah ta pay aldı o olaylarda. Ozaman o Komradın komendantı görevindä işläärdi. 3 sıra yaralandı kurşunnan.
DMİTRİY VLAH Gagauz Respublikasının kuvet strukturaları veteranı (1990-1995y.y.) : — “Bän düşünmäzdim kendim için, biz ideya için saalımızı verdik. Beni 3 sıra duşmannar kurşunnadılar ”.
Gagauz respublikası kuruldu 1990-cı yılın harman ayın 19-da, hem sade 4 yıl vardı. 1994-cüdä MD Parlamenti kabletti Gagauziya maasuz hak statusu kanonunu.
Источник grt.md 13.09.2022