28 yıl geeri satılan Gagauz Respublikasının 32-ci yılı

28 yıl geeri satılan Gagauz Respublikasının 32-ci yılı

Büün, 1990-cı yılın Harman ayın (avgust) 19-da Gagauz Halkın Üstolan Kongresindä kurulan hem 1994-cü yılda başta bulunan eriflerin tarafından satılan baamsız Gagauz Respublikasının 32-ci yıldänümü bakılêr.

Lääzım urgulamaa, ani gagauzlar baamsız Gagauz Respublikasını kurdular halklararası zakonnara görä ozaman, açan Moldova Respublikasının kendi baamsızlıını kazanmasına taa bir yıl vardı.

Ozaman, 1990-cı yılın Harman ayın (avgust) 19-da Gagauz Halkın Üstolan Kongresinä ayırılan 450 deputat bir korkusuz bu baamsız Gagauz Respublikasını kurulmaa karar aldılar da Gagauz Respublikasının kurulmasını dünneyä bildirildilär.

O Kongresinä ayırılan deputatlar ilktän 1990-cı yılın Orak ayın (iyül) 22-dä 411 oylan Gagauz Milli Gimnasını (laflar – Todur ZANET, muzıka – Mihail KOLSA), Gagauz Milli Bayraanı hem Gerbı kablettilär, sora da Harman ayın (avgust) 19-da aldılar Karar baamsız Gagauz Respublikasını kurmaa.

Sora da, cambazlıklan, Gagauz Respublikasının ilk hem tek prezidentı seçilän Stepan TOPAL hem Gagauz Respublikasının Üüsek Sovetin predsedateli ayırılan Mihail KENDİGELÄN 1994-cü yılda bu Respublikayı sattılar, kayıp olup enilmiş bir avtonomiyaya.

PATRETTÄ: Tribunadan nasaat eder Todur ZANET.




Источник anasozu.com

İlgili statyalar

Gagauz Respublikası 31-ci yıldönümü

Büün, Harman ayın (avgust) 19-da, bakılêr Gagauz Respublikasının kurulmasının 31-ci yıldönümü.  Bu Respublikayı 1990-cı yılın Harman ayın (avgust) 19-da Gagauz Halkın Üstolan Kongresindä baamsız Gagauz Respublikası kuruldu hem onun kurulmasını dünneyä bildirildi. Bu oldu bir yıl ileri Moldova Respublikası baamsızlıını kazanmasından. Gagauz Respublikasını kurarkana gagauz halkı hepsi halklararası zakonnara uydu hem işi adım adım yaptı. İlrin küü toplantırlarını yaptı hem Kongresa deputatları ayırdı. Sora Gagauz Respublikasının milli 1990-cı yılın Orak ayın (iyül) 22-dä 411 oylan Gagauz Milli Gimnasını (laflar – Todur ZANET, muzıka – Mihail KOLSA), Gagauz Milli Bayraanı hem Gerbı kablettilär, sora da Harman ayın (avgust) 19-da Karar aldı…

1994-cü yılda hayınnıın meevası 2022-ci yılın Harman ayın (avgust) 19-da taa bir hayınnaa getirdi

1990-cı yılın Harman ayın (avgust) 19-da, Kişinevdan hiç birinä sormadaan, Gagauz Halkın Üstolan Kongresi kurdu Gagauz Respublikasını hem 4 yıl onu korudu. Ama 1994-cü yılda Gagauz Respublikasının başında bulunan Stepan TOPAL hem Mihail KENDİGELÄN, tükürüp Kongresin Kararlarına, o Respublikayı sattılar da, dilenciyä verilän bir ekmek kurusu gibi, Kişinev kuvetlerinin bizä bir avtonomiya esabı atılan kuru ekmek kenarını kemirmää başladılar. Açan sän kendinä saabi diilsin da yaşêêrsın onunnan, ne sana “saabilär” atêr, hazır ol, ani herbir kıpımda saabilär o atılan işleri, bir umursuz, geeri almaa saabidir. Te şindi bu geeri almanın eşinää geldik. O geeri almanın hazırlanması çoktan, taa 1994-cü yıldan…

Gagauz Respublikasının erinä Gagauziya Başkanı Romıniyayı ayırdı

2021-ci yılın Harman ayın (avgust) 19-da gagauzlar Gagauz Respublikasının kurulmasının 31-ci yıldönümü kutladılar, ama kutlamalara Gagauziya Başkanı İrina VLAH katılmadı. Respublikamızın yortusunu kutlamak erinä Canabisi o günü Romıniyaya gitti. Hem diil yalnız, ama kendisinin sol (osa saa mı?) elinnän hem Bemol Retail kuruluşun Direktorlar Sovetinin başınnan Kiril GABURİÇlän. Gagauziyanın ofițial yortular kalendarindä Harman ayın (avgust) 19-zu – hem Gagauz Respublikasının hem da halkın birleşmäk günü. Nesoy birleşmä için laf var nicä gitsin, açan gagauz halkınnan birliktä olmasına hem birleşmesi erinä o gündä Gagauziya Başkanı Romıniyaya ayırdı. Bileriz, ani kan su olmaz! Herbir halkın kendi kanı var. Gagauziya Başkanının da. Gagauz…

Tipardan çıktı “Ana Sözü” gazetasının 2022-ci yılın Harman ayın (iyül) nomerı

Harman ayın (iyül) 31-dä tipardan çıktı “Ana Sözü” gazetasının 2022-ci Harman ayın (iyül) nomerı. Nomerdä tiparlanan materiallar: “Bunun esabını da yok kim sorsun: Bütündünnä Gagauzların Kongreslerini yok edip, ekonomika forumnarı yapêrlar”, ““Fulger” speţnaz poliţiyası Komratta: parmak sallamak mı, korkutmak mı, Gagauziyayı enmäk mi?”, “28 yıl geeri satılan Gagauz Respublikasının 32-ci yılı bakıldı”, “1994-cü yılda satkınnıın meyvası: Avtonomiyayı Moldova kuvetlerinä tabla üstündä mi sürdülär?”, “Eşinmeklär ilerleer: “Kaul județına baalayıp, Gagauziyayı yok etmää!” da işi bitirmää!”, ““Yabancı memlekettä injener olarak çalışmak” TİKA paylaşım programası”, “Gagauziyayı korumakta Türkiyedän yardım istenilecek. Etştirilärsä!!!”, “Gagauz Respublikasını halizdän kuran insannarın rubaları diil muzeydä –  patretlerdä” h.t.b. 2022-ci…

Gagauz respublikanın kuvet strukturaları azaların buluşması

Gagauz respublikanın kuvet strukturaları azalarını Komrat kasabasında ödülledilär. Taa derindän A.Terzi. 1990-cı yılın harman ayın 19-da kurulan Gagauz Respublikasında  kuvet strukturaları  kurulduydular. Onnar karşı koydular volontör grupalarına.Gagauz Respublikasının aktivistlerin arasında karılar da vardılar. İvanna Tarleva bugalter işläärdi hem genç çocuklara yardım edärdi. İVANNA TARLEVA  Gagauz Respublikasının kuvet strukturaları veteranı (1990-1995y.y.) : — “Zordu, ama biz herzaman savaşardık yardım etmää çocuklara”. Bakmayarak ona, ani gagauz Respublikası sade 4 yıl vardı, onun kurulmasında gösterilän birlik örnek oldu bütün dünnedä.Gagauz Respublikan kuvet strukturaları arasında bulunardılar  “Bucak” batalyonu, Gagauz Respublikan iç işleri bakannıı, Gagauz Respublikan informaţiya hem politika prognozu kurumu hem Gagauz Respublikan koruntu…