“Düz Ava” ansamblisi kurucusu Semön Pometko için tiparlandı kiyat
“Ömürünü gagauz muzikasına baaşladı” – eni tipardan çıkmış kiyat adam için, angısı verdi kendi yaşamasını gagauzların muzika kulturasının ilerlemesinä. Semön Pometko kurdu ilk gagauz ansamblisini “Düz Ava”. Büün o aramızda yok, ama onun için kendi kiyadını yazdı onun kakusu Praskovyä Kunçeva.
“Ömürünü gagauz muzikasına baaşladı” — bu adı kiyada Praskovya Kunçeva boşuna koymadı, çünkü Semön Pometko bulunardı o insannarın arasında, angısı kendini bütündän verdi gagauz muzikasının ilerlemesinä. Toplayabildi dolayına başkalarını da, inandırabildi onnarı da, ani gagauzların lääzım olsun kendi kulturası muzika uurunda.
“O buldu insannarı, angıları çalardılar gagauz halk instrumentlerindä, da yaptı ansambliyı, pogramayı. 1971-ci yılda yazın başladılar da kasım ayında onnara şansora verildi üüsek “Halk ansamblisi” adı. O bizim Ggauziyamızı tanıttı taa 70-ci yıllarda”, — söledi kiyadın avtoru Praskovya Kunçeva.
Kiyada toplanıldılar unikal materiallar, angılarını Praskovya Vasilyevna beş yıl topladı. Tenä-tenä bulup, herbir statyäyi, herbir insanın aklısına getirmeyi, unikal partituraları, gramotaları hem fotoları .
“5 yıl topladım material. Bana pek çok yardım etti Todur Zanet. O baktı, annaştı, da bitkidä kiyatları da bana evä getirdi. Saa olsun herbiri, kim kuvet koydu”, — söledi Praskovya Vasilyevna.
Semön Pometko muzikaya 27 yıl verdi, ama bu kısa zamanda bir sünmäz yıldız gibi gagauz halkına deyni oldu.
Kısa zamanda “Ömürünü gagauz muzikasına baaşladı” kiyadı Gagauziyanın bibliotekalarına hem muzika şkolalarına verilecek.
Источник grt.md
