XXXIII-cü Gagauz dilindä hem literaturasında Respublika olimpiadasında erlär payedildi
Çiçek ayın 19-21 günnerindä Kişinevun “Nikolay Gogol” liţeyindä geçti XXXIII-cü Gagauz dilindä hem literaturasında Respublika olimpiadası, neredä pay aldılar altmıştan zeedä 9, 10, 11 hem 12-ci klaslarından üürencilär.
Nicä dä Olimpadanın açılışına, ölä kapanışına da Gagauziya öndercilerindän hiç birisi gelmedi: ne Gagauziya Başkankası, ne onun yardımcıları, ne Gagauziya Halk Topluşun başı, ne GHT deputatları, ne Gagauziya üüredicilik Upravleniyasının başı. Kimsey, sansın gagauz dili hem literaturası bişeycikmiş hem bu uşaklar kimseycikmiş.
Olimpiadanın kapanışında uşaklara kutlamak sözlerinnän danıştılar hem enseyennerä diplomnarı hem para baaşışlarını verdilär Moldova üürdicilik hem aaraştırma ministerliin Kurriulum hem Kantarlamak için Milli Adenstvosunun direkroru Liliya İVANOV hem XXXIII-cü Gagauz dilindä hem literaturasında Respublika olimpiadanın jürü başı Anna STOLETNÄYA.
Ayrıca XXXIII-cü Gagauz dilindä hem literaturasında Respublika olimpiadasında pay alannara kutlama sözünnän danıştı yazıcı, poet hem akademik Todur ZANET. Canabisi kendisinin hem “Gagauzluk” Cümne Birliin adından herbir klaslarda ilk dört eri kazanannara 7-şär kiyattan oluşan birär set kiyat baaşladı.
XXXIII-cü Gagauz dilindä hem literaturasında Respublika olimpiadasında erlär bölä payedildi:
9-cu klaslar:
1-ci er – Taisiya KURDOGLU, Burçu küüyün gimnaziyası (üürediciykası – Mariya ÇERNİOGLU);
2-ci er – Tatyana MİTİTEL, Kongaz küüyün “Nikolay Çebanov” gimnaziyası (üürediciykası – Svetlana KIRBIYIK);
3-cü er – Yuliya ÇAVDAR, Kıpçak küüyün “Boris Yanakoglu” teoretik lițeyi (üürediciykası – Svetlana TODOROVA);
4-cü er – Lüdmila KARANFİL, Ütülü küüyün “Saveliy Ekonomov” teoretik lițeyi (üürediciykası – Anna UZUN).
10-cu klaslar:
1-ci er – Anna YUSUMBEYLİ, Kıpçak küüyün “Boris Yanakoglu” teoretik lițeyi (üürediciykası – Lidiya YUSUMBEYLİ);
2-ci er – Viktoriya UZUN, Ütülü küüyün “Saveliy Ekonomov” teoretik lițeyi (üürediciykası – Anna UZUN).
3-cü er – Ella SONGROVA, Kıpçak küüyün “Boris Yanakoglu” teoretik lițeyi (üürediciykası – Lidiya YUSUMBEYLİ);
4-cü er – Antonina TABUNŞÇİK, Kıpçak küüyün “Semön Baranovskiy” teoretik lițeyi (üürediciykası – Mariya KOCABAŞ).
11-ci klaslar:
1-ci er – Diana MEŞA, Başküüyü (Kirsova) küüyün “Mihail Tuzlov” teoretik lițeyi (üürediciykası – Anna SUKMAN);
2-ci er – Anastasiya POPOVA, Ütülü küüyün “Saveliy Ekonomov” teoretik lițeyi (üürediciykası – Anna UZUN);
3-cü er – Olga EKONOM, Ütülü küüyün “Saveliy Ekonomov” teoretik lițeyi (üürediciykası – Anna UZUN);
4-cü er – Aleksandra MOKAN, Kıpçak küüyün “Semön Baranovskiy” teoretik lițeyi (üürediciykası – Mariya KOCABAŞ).
12-ci klaslar:
1-ci er – Valentina TOPAL, Kıpçak küüyün “Semön Baranovskiy” teoretik lițeyi (üürediciykası – Svetlan BUYUKLU);
2-ci er – Anna KURDOVA, Kıpçak küüyün “Boris Yanakoglu” teoretik lițeyi (üürediciykası – Svetlana TODOROVA);
3-cü er – Marina İKİZLİ, Kongaz küüyün “Todur Zanet” teoretik lițeyi (üürediciykası – Agafiya GAYDARCI);
4-cü er – Tatyana ANGELİ, Ütülü küüyün “Saveliy Ekonomov” teoretik lițeyi (üürediciykası – Anna UZUN).
Источник anasozu.com 27.04.2023