Bu yıl Kasım yortusu haliz Kasım günündä bakıldı

Bu yıl Kasım yortusu haliz Kasım günündä bakıldı

Kalindarın oynamasına görä, bu yıl Gagauziyada kuvettä bulunannar istär-istemäz gagauyzların en büük milli yortularından birisini Kasım yortusunu, nicä düşer, halizdän Kasım ayın 7-dä baktılar. Bu yortuylan ilgili olarak, Gagauziyanın üüredicilik Upravleniyası üüredicilik kuruluşları arasında “Gagauzlarda Kasım” videorolikleri yarışmasını açıkladı.

Konkurs için teklif edildi “Benim ana kasabamda, küüyümdä, aylemdä yada üüredicilik kuruluşumda Kasım milli yortusunun kutlamanın özellikleri” hem “Geçmiştä Kasım milli yortusunun kutlamanın özellikleri” uurlarda hem istediklerinä görä mini teatru oyunnarı videorolikleri yapmaa. Konkursa yollandı 35 vidiorolik (33 – üüredicilik kuruluşlarından; 2 – erken üüredicilik kuruluşlarından).

Gagauziyanın üüredicilik Upravleniyası bildirdi, ani roliklär ölä üüsek uurda yapılıydılar, da bu beterä karar alındı 4 ödüllü er erinä 13 ödüllü er vermää.

I-ci er:

– Kazayak küüyün teoretik lițeyi;

– Çeşmä küüyün teoretik lițeyi;

– Tomay küüyün gimnaziyası.

II-ci er:

– Komrat “N. TRETYAKOV” teoretik lițeyi;

– Beşgöz küüyün gimnaziyası;

– Kongaz “V. TOPAL” gimnaziyası.

III-cü er:

– Kongaz “Todur ZANET” teoretik lițeyi;

– Aydar “F. ANGELİ” gimnaziyası.

Mukayetlik er hem ödül:

– Kıpçak “Boris YANAKOGLU” teoretik lițeyi;

– Kıpçak “S. BARANOVSKİY” teoretik lițeyi;

– Çadır “Mihail ÇAKİR” teoretik lițeyi;

– Başküüyü (Kirsovo) “Mihail TANASOGLU” gimnaziyası;

– Çadır “P.KAZMALI” gimnaziyası.

 PATRETTÄ: Çadır “Georgiy SIRTMAÇ” gimnaziya-uşak başçasının üürencileri. (Soldan sıralara görä) Marina ÇORBACI (9-cu klas), Alina MARÇENKO (7-ci klas),Danil BALOV (8-ci klas), Artöm STANKOVA (8-ci klas), Kseniya HAHLOVA (uşak başçasının büük grupası) hem Mişa KARABACAK (uşak başçasının 3-cü grupası).




Источник anasozu.com
421

İlgili statyalar

Bu yıl Kasım yortusu haliz Kasım günündä bakıldı

Kalendarın oynamasına görä, bu yıl Gagauziyada kuvettä bulunannar istär-istemäz gagauyzların en büük milli yortularından birisini Kasım yortusunu, nicä düşer, halizdän Kasım ayın 7-dä baktılar. Bu yortuylan ilgili olarak, Gagauziyanın üüredicilik Upravleniyası üüredicilik kuruluşları arasında “Gagauzlarda Kasım” videorolikleri yarışmasını açıkladı. Konkurs için teklif edildi “Benim ana kasabamda, küüyümdä, aylemdä yada üüredicilik kuruluşumda Kasım milli yortusunun kutlamanın özellikleri” hem “Geçmiştä Kasım milli yortusunun kutlamanın özellikleri” uurlarda hem istediklerinä görä mini teatru oyunnarı videorolikleri yapmaa. Konkursa yollandı 35 vidiorolik (33 – üüredicilik kuruluşlarından; 2 – erken üüredicilik kuruluşlarından). Gagauziyanın üüredicilik Upravleniyası bildirdi, ani roliklär ölä üüsek uurda yapılıydılar, da bu beterä karar alındı…

XXXIII-cü Gagauz dilindä hem literaturasında Respublika olimpiadasında erlär payedildi

Çiçek ayın 19-21 günnerindä Kişinevun “Nikolay Gogol” liţeyindä geçti XXXIII-cü Gagauz dilindä hem literaturasında Respublika olimpiadası, neredä pay aldılar altmıştan zeedä 9, 10, 11 hem 12-ci klaslarından üürencilär. Nicä dä Olimpadanın açılışına, ölä kapanışına da Gagauziya öndercilerindän hiç birisi gelmedi: ne Gagauziya Başkankası, ne onun yardımcıları, ne Gagauziya Halk Topluşun başı, ne GHT deputatları, ne Gagauziya üüredicilik Upravleniyasının başı. Kimsey, sansın gagauz dili hem literaturası bişeycikmiş hem bu uşaklar kimseycikmiş. Olimpiadanın kapanışında uşaklara kutlamak sözlerinnän danıştılar hem enseyennerä diplomnarı hem para baaşışlarını verdilär Moldova üürdicilik hem aaraştırma ministerliin Kurriulum hem Kantarlamak için Milli Adenstvosunun direkroru Liliya İVANOV hem XXXIII-cü Gagauz…

Gagauziyadan üürencilär dört ödüllü eri aldılar

Kirez ayın (iyün) 17-dä belli oldu “Tekwill Junior Ambassadors 2023” Milli konkursun sonuçları, angısında pay aldı bütün Moldovadan 1600 komandadan zeedä. Bu komandalar “Herbir şkolada Tekwill” proektını üzä çıkararak, yolladılar jüriyä çeşitli uurlarda kendi proektlarını. “Tekwill Junior Ambassadors 2023” Milli konkursun jürisi o proektlardan herbir uurda 12-sini yarı finala seçti. Gagauziyadan 16 komandanın temsilcileri jürinin önünä 4 uurda proektlarını koydular: Biznes (9-12 klaslar), Grafika dizaynı (gimnaziyalar hem lițeylär), Web-dizaynı hem sayt yapılması (gimnaziyalar hem lițeylär) hem Yapma akıl. Bu komandalrın 4-dü ödüllü erlär aldılar, bildirer Gagauziya üüredicilik Upravleniyası: Web-dizaynı (7-9 klaslar): 2-ci er – Oleg KİSEEV hem Oleg İKİZLİ (Komrat…

“Gagauziyanın 2022-ci yılın üüredicisi/terbiedicisi” konkursunu kazanannar ödüllendi

Küçük ayın (fevral) 15-dä Başküüyün (Kirsova) banket zalında “Gagauziyanın 2022-ci yılın Üüredicisi/Terbiedicisi” zanaat konkursunu kazanannarı kutlama hem onnara ödül vermä sırası geçti. Kutlama sırasında pay aldı Gagauziyanın Başkanı da. Gagauziyanın üüredicilik Upravleniyasının açıklamasına görä bu yıl “Yılın üüredicisi” konkursunda pay aldı 12 üüredici, “Yılın terbiedicisi” konkursunda sa 17 terbiedici pay aldı, angıları kendi alanında ikişär nominațiyada yarıştılar. “Yılın üüredicisi” nominațiyasında: I-ci er – Tatyana Grigoryevna DUMBRAVAN, Çadır kasabasının “Valentin Moşkov” teoretik liţeyin romın dilindä hem literaturasında üürediciykası. II-ci er – Naira Arturovna DÜLGER, Komrat kasabasının “Stepan Kuroglu” gimnaziyasının romın dilindä hem literaturasında üürediciykası. III-cü er – Marina Mihaylovna STEFU, Kongaz…

Aydar küüyün gimnaziyası 180 yılını kutladı

Kırım ayın (dekabri) 2-dä Aydar küüyün Födor ANGELİ adına gimnaziyası 180-ci yılını kutladı. Sayılêr, ani bu gimnaziya kuruldu ozaman, açan küüdä 1841-ci yılda açıldı klisä şkolası. Gimnaziyanın yıldönümü kutlamaları pek gözäl hazırlanmıştı. Musaafirleri karşılamak hem onnarı selemnemäk sırasından kaarä, kutlama programasında vardılar çeşitli sergilär, tematikaya görä uroklar hem yortulu kutlama sırası, şkolayılan tanıtmak ekskursiyaları: “Çokdilli üüretmӓk ortamı”, “İnklüziv ortamı” hem başka. Bundan kaarä gimnaziyanın direktoru Nadejda Pantileevna KOÇANCI tanıştırdı kutlamalara katılannarı kendi kiyadınnan «ШКОЛА СЕЛА ГАЙДАР. Страницы истории». O günü gimnaziyayı kutlamaa geldilär şkolanın veteran üüredicileri hem şkolayı başaran insannar, Gagauziyanın Başkanı hem Gagauziyanın üüredicilik Upravleniyasının Başı, küüyün primariyasından kişilär.…