TİKAnın yardımınnan kilimciliimiz diriler

TİKAnın yardımınnan kilimciliimiz diriler

Gagauziyanın Çadır kasabasının zanaat uçilişesindä verilän 11 zanaata 12-ci eklendi – kilimcilik. Bunun kolayı oldu ondan sora, açan Türk İşbirlii hem Koordinaţiya Agenstvosu Başkannıın (TİKA) yardımınnan, bu üçilişçeyä alındı kilim hem pala düzenneri hem da ilk etapta bu iş için hepsi lääzımnı mallar: boyalı yapaa iplikleri, çözgü iplikleri, ek tertiplär h.t.b.

2021-ci yılın Orak ayın (iyül) 16-da da, Çadır kasabasının zanaat uçilişesinä gelip, uçilişçenini direktorunnan Vera İlyiniçna BALOVAylan barabar, bu kilimcilik proektın ofițial açılışı yaptılar  Türkiye Kişinev Büükelçisi Gürol SÖKMENSÜER, TİKA Kişinev programaların Koordinatoru Selda ÖZDENOĞLU  hem Gagauziyanın Başkanı İrina VLAH. Açılış sırasında vardılar Türkiye Respublikasının Gagauziya Komrat Başkonsulu Hasan AKDOĞAN, Çadır kasabasının primarı Anatoly TOPAL, Türkiye Büükelçiliin hem  Komrat Başkonsullun zaametçileri, uçilişçenin işçileri, üüredicileri hem üürencileri.

Not. Çadır kasabasının zanaat uçilişesindä verilän zanaatlar bunnar: kilimci, aşçı, aşçı hem ofițiant, konditer, biçimci, ruba dikmesindä biçimci terzi, ilin industriyada terzi, çiftçiliktä traktorıist maşinistı, mehanika uurunda slesar, santehnik slesari, dekorlu suvaların restovratorları, oborudovaniyaya remontunda elektrika slesari.

TİKAnın yardımınnan kilimciliimiz diriler

TİKAnın yardımınnan kilimciliimiz diriler

Источник anasozu.com

İlgili statyalar

Çadır saalık Merkezinä TİKAdan dicital rentgen aparadı

Türk İşbirlii hem Koordinaţiya Agenstvosu Başkannıın (TİKA) yardımınnan Çadır kasabasının saalık Merkezinä alındı hem erleştirildi çoktan beklenän rentgen aparadı, angısı diiştirdi bu günä kadar kullanılan hem artık dökülmää başlayan 30 yıılık eski aparadı. TİKAnın yardımınnan alınan hem çalışmaya geçirilän bu rentgen aparadı verecek kolayını Çadır saalık Merkezindä taa üüsek uura kaldırmaa saalık izmetlerini, ani yapılêrlar Çadır rayonundan hem dolay erlerdän burada bakılan 64 bin insana. 2021-ci yılın Orak ayın (iyül) 16-da, rentgen aparadın çalışmaya başlamasınnan, Çadır saalık Merkezindä oldu ofițial bir țeromoniya, angısında, Merkezin vraçlarından hem izmetçi personalından kaarä, pay aldılar Türkiye Kişinev Büükelçisi Gürol SÖKMENSÜER, TİKA Kişinev programaların Koordinatoru…

Türkiyenin 2016-cı yılın 15 Temmuz şehitlerinä Gagauziyada saygı

2021-ci yılın Orak ayın (iyül) 16-da Gagauziyanın Çadır kasabasında, Türkiye Respublikasının “Demokratiya hem Milli Birlik Günü” çerçevesindä, oldu bir sıra, neredä saygıylan andılar 2016-cı yılın 15 Temmuz (Orak ayın (iyül) 15-şi) gecesi FETÖ tarafından Türkiyedä devlet devrimi denemesinä karşı koyan 251 şehiti hem yaralannan insannarı. Saygı sırası geçti Çadır kasabasının primariyasının kararınnan hem Türkiye Türk İşbirlii hem Koordinaţiya Agenstvosu Başkannıın (TİKA) yardımınnan kurulan “İzmit kardaşlık parkında”, neredä bulunêr şehitleri anmak nışan taşı.   Sıra başladı susma saygısı duruşundan, nedän sora burada pay alan Türkiye Kişinev Büükelçisi Gürol SÖKMENSÜER, Gagauziyanın Başkanı İrina VLAH, TİKA Kişinev programaların Koordinatoru Selda ÖZDENOĞLU, Türkiye Respublikasının…

Üüsüzlerä TİKAnın cömert hem kalıcı yardımı

Geçennerdä Gagauziya Çadır kasabasının internat şkolası kabletti Türk İşbirlii hem Koordinaţiya Agenstvosu Başkannıından  (TİKA) cömert hem kalıcı bir büük yardım – TİKA şkolanın stolovasını, büünkü standartlara görä, enilendi hem kufnesinä, son tehnologiyalara uygun, oborudovaniya erleştirdi. 58 yıl üüsüzlerä hem ana-boba sıçaklıından bir tarafa kalan uşaklara izmet edän Çadır kasabasının internat şkolasına deyni bu pek hatırlı bir iş, çünkü enilenän er – pak, kırnak, tertipli hem uşaklara kendi evlerindä gibi raatlıı, sıcaklıı hem kuytuluu verer. Bu eni erin ofițial açılışı 2021-ci yılın Orak ayın (iyül) 16-da da oldu hem onu yapmaa deyni burayı musaafirlää geldilär Türkiye Kişinev Büükelçisi Gürol SÖKMENSÜER, TİKA…

“Altın anaktarcık” uşak başçasına TİKAdan sevindirici yardım

Gagauziya Bucak küüyün “Altın anaktarcık” uşak başçası kendi kufnesinä deyni Türk İşbirlii hem Koordinaţiya Agenstvosu Başkannıından  (TİKA) sevindirici bir yardım kabletti – epiz eni hem dünnää tehnologiyalarında oborudovaniya. Bu yardım bölä küçük küü için pek büük maanalı bir iş, çünkü küüyün bücetı az hem herbir işlerä o bücetta para pek etişmeer. Kufnenin ofițial açılışı hem başka baaşışları vermäk için “Altın anaktarcık” uşak başçasına Orak ayın (iyül) 16-da da geldilär hem açılış yortusuna katıldılar TİKA Kişinev programaların Koordinatoru Selda ÖZDENOĞLU, Gagauziya Komrat Başkonsulu Hasan AKDOĞAN, Gagauziyanın GHT Başı Vladimir KISSA, Gagauziyanın Üüredicilik Upravleniyasının Başı Natalya KRİSTEVA, Bucak küüyün primarı Nikolay DUDOGLU,…

Kişinev Türkiye Büükelçiliindä ATATÜRKÜ andılar

Kasımın 10-da Türkiye Kişinev Büükelçiliindä Türkiye Respublikasının kurucusunun,  bütün Türk dünnäsının öndercisinin hem XX-ci üzyılın en anılmış liderın Mustafa Kemal ATATÜRKün raametli olduu günün 83-cü yılınnan ilgili bir anmak sırası oldu. Anmak sırasında, Türkiye Kişinev Büükelçisi Gürol SÖKMENSÜER başta olarak, Büükelçiliin diplomatları hem personalı, Türk İşbirlii hem Koordinaţiya Agenstvosu Başkannıın (TİKA) Kişinev TİKA programaların Koordinatoru Selda ÖZDENOĞLU hem TİKA personalı, saygıylan andılar Türkiye Respublikasının kurucusunu Mustafa Kemal ATATÜRKü. Anmak sırasından sora, sıraya katılannar, saygıylan çiçek koydular Kişinev Türkiye Büükelçiliin önündä olan Mustafa Kemal ATATÜRKün byustuna. Kişinev Türkiye Büükelçiliindä ATATÜRKÜ andılar Patretlär: https://www.facebook.com/kisinevbe Источник anasozu.com


415

İnsannarın cuvapları: