Hederlez ayın (may) 6-da Gagauziyada Hederlez yortusu bakıldı
Hederlez ayın (may) 6-da Çadır kasabasının “At-prolin” tamazlık at fermasının ipodromunda geniş hem tantanalı bakıldı Hederlez yortusu, nereyi, Gagauziya Başkankasının emirinä görä, Gagauziya kultura Upravleniyası kendi kolektivlrınnan hem teatrular artistlerinnän hazırladı büük bir gösteri.
2022-ci yıl Gagauziyada bilim adamı hem yazıcı Dionis TANASOGLUnun yılı olduu için, Hederlez yortusunun açılışı da yapıldı Canabisinin “Uzun kervan” romanına görä kurulan teatrulu insținirovkasınnan, neredä annadıldı gagauzların taa Altaylardan Bucak kırlarına gelmesi hem o kervanın uzun yolunda gagauzların geçirmesi.
Bu teatrulu insținirovka tamamnandıynan GAGAUZLARIN en büük MİLLİ yortularında GAGAUZÇA bitti. Gagauzların istoriyasını aanadan parçadan sora, yortunun sțenasına pindi hem GAGAUZLARIN yortusunda RUS DİLİNDÄ lafetti Gagauziya Başkankası İrina VLAH. Bu rus dilindä insannara “традиционная гагаузская культура”sı için annattı. Sora Canabisi sțenaya çaardı yortuya gelän Moldova Premyer-ministrusunu Natalya GAVRİLİȚAyı, angısı danıştı insannara gagauzça laflarlan “Hristos dirildi!” da sözünü bölä ilirletti: «Сегодня мы наслаждаемся всем, что может предложить гагаузская культура, и мы хотим, чтобы такие мероприятия привлекали все больше и больше посетителей, как из Республики Молдова, так и из-за рубежа. Даже если сейчас мы сталкиваемся со многими трудностями, мы можем гордиться тем, что в нашей стране мы всегда отмечали и ценили вклад каждой общины в культурную жизнь Республики Молдова. Девиз Европейского Союза — единство в многообразии — уже давно стал реальностью в нашей стране, где диалог и взаимное уважение являются краеугольными камнями нашей социальной сплоченности». Sora da Canabisi dedi, ani kendi Moldovada lääzım birlik olsun hem, ani Moldova Pravitelstvosu verecek “At-prolin” tamazlık at fermasınna 15 milion ley hem taa para verecek Komratta Mihay Eminesku lițeyin remonduna da: https://gov.md/ro/content/prim-ministra-natalia-gavrilita-la-sarbatoarea-hederlez-dialogul-si-respectul-reciproc.
Bu nasaatlardan sora çıktılar Gagauziyanın anılmış artistleri hem artistkaları (patrettä soldan) Sergey İVANOV, Olga PAÇİ, Yuliya ARNAUT hem İvan BABOV da, ilk kerä insan önündä, çaldılar Hederlez yortusunun ofițial gimnasını – “Gagauziyada Hederlez” türküsünü (laflar –Todur ZANET, muzıka –İliya FİLEV): https://www.facebook.com/kultura.ge/videos/1049964988865328. Bundan sora da yortunun kutlaması başladı.
Çadır kasabasının “At-prolin” tamazlık at fermasının ipodromuna toplanan binnärlän insannara deyni gözäl bir sport hem kultura programası hazırlanmıştı: konțert, “Altın At” yarışmaları, eşeklerdä yarışma, el ustaların sergileri, gagauz milli imekleri konkursu – bulgur pişirmesi, gagauz milli oyunnarı hem yarışları. Ayırıca baaşış için dirää tırmanma yarışı da oldu.
Hederlezdä kurulan küülerin milli aullarında musaafirlerä türlü ikramnar yapıldı.
“Altın At” yarışmalarında bu yıl enseyennär hepsi Aydar küüyündän atlılardı: Dimitriy YOVÇU (hem I-ci eri hem “Başkan Kuboo”nu aldı, atın adı – “Çerkez”), Nikolay UZUN (II-ci er, atın adı – “Orlik”) hem Grigoriy UZUN (III-cü er, atın adı – “Buyan”).
Ayırı baaşış (kilim) verildi at yarışlarına katılan tek kıza da – Tiraspol kasabasından Valentina PİKUSa.
Gagauziyada Haderlez yortusunun şannı musaafirleri oldular Türkiye Kişinev Büükelçisi Gürol SÖKMENSÜER hem Türkiye Gagauziya Komrat Başkonsulu Hasan AKDOĞAN.
Patretlär: Moldova Pravitelstvosunun pres-slejbasının hem Gagauziya kultura Upravleniyasının
Источник anasozu.com
