Gagauziya genä mi korkudêrlar: Sansın ne Gagauziya varmış, ne da Gagauziya polițiyası yokmuş gibi!
Canavar ayın (oktäbri) 12-dä yaklaşık gündüz saat ikidä Gagauziyanın Çadır kasabasının paneerında bilinmeyän bir erif bir kaç kerä etti. Poträylän kaldırılan Gagauziyanın polițiyası hemen olayın erinä geldi, ama…
Belliki, insannar arasında ateş etmää bu büük bir hayınnık, kuşkuluk hem korkutmak işi. Onuştan, Gagauziyanın polițiyası hem başka kuvetleri hemen Çadır paneerını sardılar hem ateş edeni tutmaa savaştılar.
Taa sora belli oldu, ani bu ateş açmasına Moldovanın Baş polițiya inspektorluu izin vermiş, çünkü “denemä sıraları” yapılmış. Ama, neçin sä Kişinev “unutmuş” bu “denemelär” için Gagauziya polițiyasına haber vermää, sansın ne Gagauziya varmış, ne da Gagauziya polițiyası yokmuş gibi.
İş pek benzer insannarı korkutmak işinä, nicä oldu Harman ayın (avgust)18-dä, açan komratlılar, uyandıynan, şaşarak gördülär Gagauziyanın başkasabasının merkezindä Moldovanın “Fulger” speţnaz poliţiyasını: https://anasozu.com/fulger-spetnaz-politiyasi-komratta-parmak-sallamak-mi-korkutmak-mi-gagauziyayi-enmak-mi/.
Источник anasozu.com
