“Gagauz kilimneri” festivali bu yıl kendi günündä olacek
2013-cü yıldan beeri, Gagauziyanın Aydar küüyün primariyasının kararına görä, Aydar küüyün Kurban günündä hem Büük Panaiya (Harman ayın (avgust) 28-zi, bu gündä Aydar küüyün Kisä Kurbanı) yortusunda, ya ona karşı, burada “Gagauz kilimneri” festivali yapılêr.
İlk altı yıl “Gagauz kilimneri” festivali haliz GAGAUZ hem GAGAUZLUK kilimcilii festivaliydi hem kurulmuş günündä bakılardı. Sora, işin içinä Gagauziyanın Başkankası girincä, festival oyuncaa döndü – onu yapardılar uydurma günnerdä, ozaman, açan Başkanakanın nestesi kalkardı: ba Harman ayın 7-dä, ba Harman ayın 9-da, ba Harman ayın 18-dä.
Şindi, şükür, “Gagauz kilimneri” festivali genä Aydar küüyün Kurban gününä hem Büük Panaiya gününä karşı yapılaceymış – 2023-cü yılın Harman ayın (avgust) 26-da.
Источник anasozu.com 17.08.2023