Büükelçi Gürol SÖKMENSÜER Moldova Prezidentı Maya SANDUylan görüştü

Orak ayın (iyül) 22-dä Türkiye Kişinev Büükelçisi Gürol SÖKMENSÜER, kendisinin Moldovada çalışma zamanı sona erdii için, bütün gagauz soydaşlarına deyni bir ayırılma reçepțiya buluşması hem ikramı yaptı. Gagauzların tarafından reçepțiyada pay alan insannarın önündä konuşarak, paalı Büükelçi Gürol SÖKMENSÜER şükür etti hepsiciinä, kendisini bu avşamda saydıkları için hem kısadan annattı Türkiyeyä hem türk halkına gagauz soydaşların önemni olmaları için, onnara yardımnarı, ani Türkiye TİKA yolunnan gagauzların ayakta kalması için yapêr. Gagauzların adından söz tutan Gagauziya Başkankası İrina VLAH, ilktän bir yufkaca gagauzçada hazırlanmış yapraktan mesajını sıkılı okuyarak, şükür etti Büükelçi Gürol SÖKMENSÜER hepsi o yardımnar için, ani Gagauziyaya yapıldı, ayırı…

Baba Marta ayın 21-dä Gagauziya Halk Topluşu Başı Dimitriy KONSTANTİNOV bir saygı vizitlan Türkiye Kişinev Büükelçiliindä buluştu Türkiye Kişinev Büükelçisi Gürol SÖKMENSÜERlän. Büükelçi Gürol SÖKMENSÜER Gagauziya Halk Topluşu Başına hem eni seçilän deputatlarına çalışmalarında başarılar diledi hem Türkiyenin dayma Gagauz soydaşlarına yardım olmak için, büünkü günä kadar olduu gibi, bundan sonra da elindän geleni yapacaanı urguladı, bildirer T.C. Kişinev Büükelçiliin https://www.facebook.com/kisinevbe sayfası. Источник anasozu.com

Türkiye Respublikasının “Demokratiya hem Milli Birlik Günü”n 6-cı yıldönümünnän ilgili olarak, 15.07. 2022 günündä Türkiye Kişinev Büükelçiliindä oldu bir sıra, neredä anıldı  2016-cı yılın 15 Temmuz (Orak ayın (iyül) 15-şi) gecesindä devlet devrimi yapmak isteyän FETOculara karşı koyarak cannarını kurban verän 251 şehit hem 2 bindän zeedä yaralı, Sıra 251 şehitinin anmasının susmak saygısınnan hem Moldovaylan Türkiye gimnalarının çalmasınnan başladı. Ardından, Türkiye Kişinev Büükelçisi Gürol SÖKMENSÜER annattı o altı yıl geeri gecesindä olaylar için hem saygıylan andı o gecenin kahramannarını. Canabisi urguladı, ani Türkiye Respublikası terorizmaya karşıdır. Büükelçi Gürol SÖKMENSÜER urguladı, ani, artık adet olarak, bu gündä Türkiye Kişinev Büükelçilii…

Ceviz ayın (sentäbri) 14-dä Türkiye Kişinev eni Büükelçisi Uygar Mustafa SERTEL Moldova Prezidentına Maya SANDUya güvennik mektubunu verdi hem Prezidentura tarafından pek islää karşlandı. Ceviz ayın (sentäbri) 14-dä Moldova Prezidentı Maya SANDU, bir ofițial hem tantanalı sırada, kabletti Türkiye Kişinev eni Büükelçisindän Uygar Mustafa SERTELdän Canabisinin güvennik mektubunu. Büükelçi Uygar Mustafa SERTEL profesional diplomat. Universitetı başardıı zamanından Türkiyenin dışişleri ministerliindä çeşitli erlerdä izmat etti. Diplomat olarak, birkaç devlettä işledi. Romaniyanın Konstanța kasabasında Baş konsuluunu yaptı. Источник anasozu.com

Kırım ayın (dekabri) 15-dä Türkiye Kişinev Büükelçisi Uygar Mustafa SERTEL birär saygı vizitı yaptı Moldovanın çiftçilik çorbacılıı hem iyecek industriyası ministerliinä hem da Moldovanın korunmak ministerliinä, neredä buluştu ministrularlan Vladimir BOLEAylan hem Anatoliy NOSATIYlan. Buluşmak zamanında Moldova hem Türkiye arasında işbirlii perspektivaları konuşuldu. Ayırıca şükür edildi o yardımnar için, ani Kovid salgını zamanında Türkiye tarafından Moldovaya yapıldı. Bundan kaarä Moldova tarafı saa ol dedi o proektlar için, ani Moldovada çiftçilik hem korunmak uurunda Türkiye tarafınfan yapıulêr. Источник anasozu.com