Gagauziya Halk Topluşu Başı Türkiye Kişinev Büükelçisinnän buluştu

Gagauziya Halk Topluşu Başı Türkiye Kişinev Büükelçisinnän buluştu

Baba Marta ayın 21-dä Gagauziya Halk Topluşu Başı Dimitriy KONSTANTİNOV bir saygı vizitlan Türkiye Kişinev Büükelçiliindä buluştu Türkiye Kişinev Büükelçisi Gürol SÖKMENSÜERlän.

Büükelçi Gürol SÖKMENSÜER Gagauziya Halk Topluşu Başına hem eni seçilän deputatlarına çalışmalarında başarılar diledi hem Türkiyenin dayma Gagauz soydaşlarına yardım olmak için, büünkü günä kadar olduu gibi, bundan sonra da elindän geleni yapacaanı urguladı, bildirer T.C. Kişinev Büükelçiliin https://www.facebook.com/kisinevbe sayfası.




Источник anasozu.com
376

İlgili statyalar

Başkanka küsülüydü, kalanı – gücenikti

Orak ayın (iyül) 22-dä Türkiye Kişinev Büükelçisi Gürol SÖKMENSÜER, kendisinin Moldovada çalışma zamanı sona erdii için, bütün gagauz soydaşlarına deyni bir ayırılma reçepțiya buluşması hem ikramı yaptı. Gagauzların tarafından reçepțiyada pay alan insannarın önündä konuşarak, paalı Büükelçi Gürol SÖKMENSÜER şükür etti hepsiciinä, kendisini bu avşamda saydıkları için hem kısadan annattı Türkiyeyä hem türk halkına gagauz soydaşların önemni olmaları için, onnara yardımnarı, ani Türkiye TİKA yolunnan gagauzların ayakta kalması için yapêr. Gagauzların adından söz tutan Gagauziya Başkankası İrina VLAH, ilktän bir yufkaca gagauzçada hazırlanmış yapraktan mesajını sıkılı okuyarak, şükür etti Büükelçi Gürol SÖKMENSÜER hepsi o yardımnar için, ani Gagauziyaya yapıldı, ayırı…

Türkiye Büükelçisinä Gürol SÖKMENSÜERä “Mihail Çakir” ordenı verildi

Türk hem gagauz milletleri arasında kardaşlık baalarını kaavileştirmäk üzerinä hem Gagauziyada infrastruktura proektlarını ömürä geçirilmesindä Canabisinin zaametleri için Türkiye Kişinev Büükelçisi Gürol SÖKMENSÜERä “Mihail Çakir” ordenı verildi. Moldova Respublikasında Büükelçilik mandatının sona ermesinnän, Türkiye Kişinev Büükelçisi Gürol SÖKMENSÜER bir ayırılmak vizitinnän Orak ayın (iyül) 4-dä Gagauziyada bulundu, neredä Gagauziya Başkankasınnan İrina VLAHlan hem Gagauziya Halk Topluşu Başınnan Dimitriy KONSTANTİNOVlan buluştu. Buluşmada, Gagauziya Başkankası verdi Türkiye Kişinev Büükelçisi Gürol SÖKMENSÜERä “Mihail Çakir” ordenını, Canabisinin türk hem gagauz milletleri arasında kardaşlık baalarını kaavileştirmäk hem Gagauziyada infrastruktura proektlarını ömürä geçirilmäk uurlarında zaametleri için. Источник anasozu.com

Gagauziya da yas içindä hem Türkiyeyä insannık yardımına hazır

Büün, Türkiyedä olan büük tepremin kurbannarınnan ilgil olarak, Gagauziya Başkanatı hem Halk Topluşu binasının önündä Gagauziya hem Moldova Bayrakları yarıya indirildi. Gagauziyanın Başkankası İrina VLAH hem Gagauziya Halk Topluşu Başı Dimitriy KONSTANTİNOV, buluşup Türkiye Gagauziya Komrat Başkonsulu Hasan AKDOĞANnan,  Gagauziya halkın hem GHT deputatları adından verdilär acızgannık mesajlarını Türkiye milletinä hem Türkiye Respublikası Prezidentı Recep Tayyip ERDOĞANa. Gagauziyanın öndercileri bildirdilär, ani Gagauziya hazır, kuvedinä görä, bu durumda Türkiyeyä bir insannık yardımı yapmaa. Источник anasozu.com

Çadırda Türkiyenin 2016-cı yılın 15 Temmuz şehitlerinä saygı

Gagauziyanın Çadır kasabasında, Türkiye Respublikasının “Demokratiya hem Milli Birlik Günü”n 6-cı yıldönümü çerçevesindä, 2022-ci yılın Orak ayın (iyül) 16-da Türkiyenin 2016-cı yılın 15 Temmuz şehitlerin anmasının saygı sırası oldu, angısı yapıldı Çadır kasabasının primariyasının kararınnan hem Türkiye Türk İşbirlii hem Koordinaţiya Agenstvosu Başkannıın (TİKA) yardımınnan bu kasabnın“İzmit kardaşlık parkında” kurunan 15 Temmuz şehitlerinä anmak nışan taşı yanında. Sıra başladı 2016-cı yılın 15 Temmuz (Orak ayın (iyül) 15-şi) gecesi FETÖ tarafından Türkiyedä devlet devrimi denemesinä karşı koyan 251 şehiti hem yaralannan insannara saygı duruşundan, nedän sora 15 Temmuz şehitlerini anmak nışan taşına çiçeklär koyldu. Çiçek koyma sırasında, başta Türkiye Kişinev Büükelçisi…

Büükelçi Gürol SÖKMENSÜER Moldova Prezidentı Maya SANDUylan görüştü

Kendisinin Moldovada Türkiye Kişinev Büükelçisi olarak çalışma zamanı sona vardıı sebepinnän, Orak ayın (iyül) 21-dä Büükelçi Gürol SÖKMENSÜER Moldova Prezidentı Maya SANDUylan görüştü. Nicä bildirer prezidentın pres-slejbası, Moldovanın devlet başı şükür etti Türkiye Kişinev Büükelçisinä o yardımnat için, ani pandemiya zamanında Türkye Molvdovaya verdi, hem taa da ayırıca şükür etti Ankaranın Moldova Respublikasının suverenitetından hem toprak bütünnüündän arka olması için. Kendi tarafından Türkiye Kişinev Büükelçisi Gürol SÖKMENSÜER Moldova Prezidentı Maya SANDUya kısadan bilgilär verdi, bildirer Türkiye Kişinev Büükelçilii. Источник anasozu.com