“Adetlerin şen ötmesi” kiyadın prezentațiyası

Koladaya karşı, Büük ayın (yanvar) 6-da Gagauziyanın Regional resim Galereyasında oldu prezentațiya taazä çıkan “Adetlerin şen ötmesi” kiyadına, angısı hazırlandı maasuz Kolada hem Yıl Başı yortularımız için.

“Adetlerin şen ötmesi” kiyadında toplu gagauz folklorundan hem gagauz yazıcıların “Kolada”, “Surva” hem “Hê-hêy” için yaratmaklar, angıları gözäl dönaklı Gagauziyanın Komrat, Çadır hem Valkaneş uşak resimci şkolaları üürencilerinin resimnerinnän.

Prezentațiyada pay aldılar hem söz tuttular Gagauziya Başkankası İrina VLAH, Gagauziya kultura Upravleniyasının başı Marina SEMENOVA, Akademik hem yazıcı Todur ZANET hem Çadır kasabasından uşak resimci şkolasının direktoru Nataliya VORNİKOVA.

Bundan kaarä, direktorlarınnan barabar, prezentațiya geldilär Komrat, Çadır hem Valkaneş uşak resimci şkolaları üürencileri, analar bobalar hem kiyada girän yaratmaların kimi avtorları.

Şükür ederäk hepsinä, kim pay aldı bu kiyadın hazırlanmasına, Gagauziya Başkankası İrina VLAH verdi hepsi genç resimcilerä Dipom, birär “Adetlerin şen ötmesi” kiyadı hem Eni Yıl baaşışlarını.

Prezentațiya sırasında Aydar hem Kıpçak küülerindän uşak ansamblileri Kolada çaldılar, hem sonunda da, uşaklara tatlı masa ikramı yapıldı.

Not. “Adetlerin şen ötmesi” kiyadı – Gagauziya kultura Upravleniyasının proektı, angısına deyni para ayırıldı “Gagauz dilini kurtarmak Fondu”ndan.

“Adetlerin şen ötmesi” kiyadın prezentațiyası

“Adetlerin şen ötmesi” kiyadın prezentațiyası

“Adetlerin şen ötmesi” kiyadın prezentațiyası

“Adetlerin şen ötmesi” kiyadın prezentațiyası




Источник anasozu.com
192

İlgili statyalar

Todur ZANETin eni kiyadına tanıtma sırası oldu

Büük ayın (yanvar) 17-dä Gagauziyanın Regional resim Galereyasında oldu prezentațiya Todur ZANETin “Can pazarında can pazarlıı” annatmalar hem dramaturgiya kiyadına, angısı tiparlandı Gagauziyanın “Gagauz dilinin kullanmak sferasının genişledilmesi için” Zakonun ömürä geçirilmesi çerçevesindä. Gagauziya kultura Upravleniyası tarafından hazırlanan hem geçirilän nu sıraya gelän üüredicileri, bibliotekacıları, kultura hem kulturaylan meraklanan insannarı gözäl havalarlan karşlardı “Elegiya” kemençecilär, angıları sıranın gözäl geçmesi için havayı kurdular. Kiyadın tanıtmak sırasının açılışında söz tutan Gagauziya kultura Upravleniyasının başı Marina SEMENOVA açıkladı, ani Todur ZANETin “Can pazarında can pazarlıı” kiyadın tiparlamasının kolayı oldu bu Upravleniyanın “Kultura uurunda gagauz dilinin geniş kullanması için” maasuz komisiyanın kararınnan. Canabisi kutladı…

Gagauz kulturasını haşlamada eni adım – “İncäzanaat sızıntısı”

Gagauziya kultura Upravleniyası, uşaklarımıza gagauz kulturasını haşlamaa deyni, eni bir adım yaptı – “İncäzanaat sızıntısı” adlı kulturalı kvest konkursu kurdu hem onun birincisini Büük ayın (yanvar) 26-da Gagauziyanın Regional resim Galereyasında geçirdi. “İncäzanaat sızıntısı” adlı kulturalı kvest konkursunda pay aldılar Gagauziyanın Çadır Dimitri ERBAKAN adına uşak resimcilik şkolasının, Komrat Dimitri SAVASTİN adına uşak resimcilik şkolasının hem Valkaneş uşak resimcilik şkolasının üürencilerindän kurulan 6 komanda (herbirindän ikişär). Bu kultura sıranın başında, Gagauziyanın Regional resim Galereyasında kuruldu üürencilerinin yaratmalarından “Kolada adetleri” sergisi. Sora başladı 7 rauntluk kvest konkursu, angısında fikir hem yaratmak işleri vardı, ölä nicä “Kendini alıştırma”, “İncä zanaat dünnäsında”, “Pazlayı…

X-cu “Gagauz kilimneri” festivali oldu

2023-cü yılın Harman ayın (avgust) 26-da Gagauziyanın Aydar küüyün evelki dermen çayırında oldu X-cu “Gagauz kilimneri” festivali, angısında pay aldılar bütün Gagauziyanın kilimcileri hem kultura zaametçileri. “Gagauz kilimneri” festivali 2013-cü yıldan beeri, Gagauziyanın Aydar küüyün primariyasının kararına görä, Aydar küüyün Kurban günündä hem Büük Panaiya (Harman ayın (avgust) 28-zi) Aydar küüyün Kisä Kurbanı) yortusunda, ya ona karşı. İlk altı yıl “Gagauz kilimneri” festivali haliz GAGAUZ hem GAGAUZLUK kilimcilii festivaliydi hem kurulmuş günündä bakılardı. Sora, işin içinä Gagauziyanın Başkankası girincä, festival oyuncaa döndü – onu yapardılar uydurma günnerdä, ozaman, açan Başkanakanın nestesi kalkardı: ba Harman ayın 7-dä, ba Harman ayın 9-da,…

Gagauziyanın eni Başkankası Evgeniya GUȚUL emin etti

Orak ayın (iyül) 19-da Komrat kasabasının baş meydanında oldu Gagauziya Halk Topluşun maasuz toplantısı, neredä Gagauziyanın eni seçilän Başkankası Evgeniya GUȚUL Gagauziyaya hem Gagauz halkına emin etti. Toplantıyı açtı Gagauziya Halk Topluşun Başı Dimitriy KONSTANTİNOV. Nedän sora Gagauziya Merkez Seçim Komisiyasının başı Yana KOVALENKO seçimnär için annattı hem söledi, ani Komrat Apeläțiya Palatası Hederlez ayın (may) 22-dä temelleştirdi Gagauziya Merkez Seçim Komisiyasının kararını, ani Evgeniya GUȚUL Gagauziyanın eni Başkankası seçildi. Bundan sora, Gagauziyanın eni Başkankası Evgeniya GUȚUL, “Gagauziyanın (Gagauz Yeri) Temel Zakonu” kiyadın üstünä saa elini koyup, emin etti. Bundan sora, Gagauziya Merkez Seçim Komisiyasının başı Yana KOVALENKO verdi, artık…

Raametli resimciykanın Olga UNGURÄNUnun anılması için sergi

Kırım ayın (dekabri) 7-dä Gagauziyanın Regional resim Galereyasında açıldı raametli resimciykanın Olga UNGURÄNUnun anılması için bir sergi, neredä toplu Canabisinin 40 taanä resimi. Serginin açılışında pay aldılar Olga UNGURÄNUnun yakınnarı, dostları, kolegaları hem üürencileri, angıları toplandılar anmaa deyni bu vergili insanı hep taa bir kerä mayıl olmaa onun yaratmalarına. Candan laflarını raametli resimciyka için söledilär Gagauziya kultura Upravleniyasının Başının yardımcısı Aleksey KARATERZİ, animalist-resimci Konstantin KELEŞ, resimciyka Anastasiya RAKOVÇEN, Gagauziya Radio hem Televideniye kompaniyasının rejisöru Yuriy GLEKOV hem başkaları. Eridir urgulamaa, ani Gagauziyanın Regional resim Galereyasının 2006-cı yılda açılışından beeri Olga UNGURÄNU 10 yıl sıravardı bu galereyanın direktoru işledi hem burada…